آلمانیا کانسلری اولاف شولتس بؤیوک احتماللا آذربایجان و ارمنیستان لیدرلرینین برلینده یئنی گؤروشونو تشکیل ائتمک ایستییر. کانسلرین ارمنیستانین باش ناظیری نیکول پاشینیانلا تلفون دانیشیغینی بونونلا ایضاح ائتمک اولار.
Axar.az خبر وئریر کی، بو بارهده پولیتولوق ائلخان شاهیناوغلو قید ائدیب.
او بیلدیریب کی، تلفون دانیشیغیندا اساساً ایکی اؤلکه آراسینداکی مناسبتلر مذاکره ائدیلیب:
«بونا باخمایاراق، اولاف شولتسون پاشینیانین برلینده یئنی گؤروش تکلیفینه مناسبتینی اؤیرندیی ده استثنا دئییل، سادجه بونون بری باشدان آچیقلانماسی لازم بیلینمیر. بو احتماللا اولاف شولتس آذربایجان پرزیدنتی ایلهام علیئوه زنگ ائدیب، اونون دا عینی موضوعیا مناسبتینی اؤیرنهجک. شولتس ایلهام علیئوین فرانسانین واسطهچیلییندن امتناسیندان استفاده ائدرک آلمانیانین بو مسئلهده رولونو آرتیرماغا، یعنی اؤن پلانا چیخماغا چالیشیر. رسمی باکی برلینین تشببوسلرینین علیهاینه دئییل. بو ایل عرضینده مونهنده و برلینده گؤروشلر تشکیل ائدیلمیشدی».
قید ائدک کی، طرفلر آراسیندا تلفون دانیشیغی بو گون باش توتوب.