تاجیکستان پرزیدنتی امامعلی رحمان بو ایل مایین اوچونجو اونگونلویونده آذربایجانا دولت سفری ائتمه‌یی پلانلاشدیریر.

آخار.آذ خبر وئریر کی، بو باره‌ده تاجیکستان خارجی ایشلر ناظرلییی آذربایجان خارجی ایشلر ناظری جئیهون بایراموو و تاجیک همکاری سیروج‌الدین مخیرالددین آراسین‌دا کئچیریلن گؤروشدن سونرا معلومات یاییب.

ناظیرلرین گؤروشو مینسک‌ده مستقل دولتلر بیرلیینین خارجی ایشلر ناظرلری شوراسینین اجلاسی چرچیوه‌سینده باش توتوب.

«ناظیرلر همچینین مایین ایکینجی اونگونلویونده آذربایجان‌دا تاجیکستانین مدنیت گونلری، تاجیکستان کینوسو گونلری و آذربایجان-تاجیکستان بیزنس فورومونون کئچیریلمه‌سی ایله باغلی فیکیر مبادیله‌سی آپاریبلار»، - دئیه خ.ی.ن-دن بیلدیریلیب.

ا.رحمان بوندان اول ۲۰۱۸-جی ایلین آگوستون‌دا باکی‌دا رسمی سفرده اولوب.