آذربایجان رسپوبلیکاسینا دولت سفرینه گلن تاجیکستان رسپوبلیکاسینین پرزیدنتی امامعلی رحمانین مایین ۲۳-ده رسمی قارشیلانما مراسمی اولوب.

Axar.az خبر وئریر کی، هر ایکی اؤلکه‌نین دولت بایراقلارینین دالغالاندیغی میدان‌دا تاجیکستان پرزیدنتینین شرفینه فخری قاروول دسته‌سی دوزولموشدو.

آذربایجان پرزیدنتی ایلهام علیئو تاجیکستان پرزیدنتی امامعلی رحمانی قارشیلادی.

فخری قاروول دسته‌سینین رئیسی تاجیکستان پرزیدنتینه راپورت وئردی.

پرزیدنت ایلهام علیئو و پرزیدنت امامعلی رحمان فخری قاروول دسته‌سینین قارشی‌سیندان کئچدیلر.

تاجیکستان پرزیدنتی آذربایجان عسگرلرینی سلاملادی.

تاجکستان رسپوبلیکاسینین و آذربایجان رسپوبلیکاسینین دولت هیمنلری سسلندیریلدی.

آذربایجان نماینده هئیتی تاجیکستان پرزیدنتینه، تاجکستان نماینده هئیتی ایسه آذربایجان پرزیدنتینه تقدیم اولوندو.

فخری قاروول دسته‌سی حربی مارشین صدالاری آلتیندا آذربایجان پرزیدنتی ایلهام علیئوین و تاجیکستان پرزیدنتی امامعلی رحمانین قارشی‌سیندان کئچدی.

دولت باشچیلاری رسمی فوتو چکدیردیلر.