آذربایجانین خارجی ایشلر ناظیری جیحون بایراموو ایله آلمانیا فدراتیو رسپوبلیکاسینین خارجی ایشلر ناظیری آنالنا بربوک آراسیندا تلفون دانیشیغی آپاریلیب.

بو باره‌ده Axar.az-آ آذربایجان خارجی ایشلر ناظیرلییندن معلومات وئریلیب.

قید اولونوب کی، تلفون دانیشیغی زمانی آذربایجان-آلمانیا ایکی‌طرفلی مناسبتلرینین جاری وضعیتی و پرسپکتیولری، رگیوندا موجود وضعیت، هابئله آذربایجان و ارمنیستان آراسیندا صلح پروسسی مذاکره اولونوب.

آلما-آتا شهرینده ۱۰-۱۱ مای تاریخلرینده آذربایجان و ارمنیستان خارجی ایشلر ناظیرلری آراسیندا کئچیریلمیش گؤروش باره‌ده قارشی طرفه اطرافلی معلومات وئریلیب. عمومی‌لیکده، صلح پروسسی چرچیوه‌سینده فکر آیریلیقلاری اولان مسئله‌لر نظردن کئچیریلیب، دانیشیقلارین داوام ائتدیریلمه‌سینین ضروریلیی وورغولانیب.

سون زمانلار آذربایجانلا-ارمنیستان آراسیندا باش توتان راضیلاشمالار و اعتماد قوروجولوغو تدبیرلری، خصوصیله ده دلیمیتاسییا کمیسیالاری طرفیندن الده ائدیلمیش راضیلیغا اساساً آذربایجانا مخصوص ۴ کندین گئری قایتاریلماسی و سرحددین بیر حصه‌سینین دلیمیتاسییا اولونماسی صلح پروسسی چرچیوه‌سینده اهمیتلی تدبیرلر کیمی قید ائدیلیب.

تلفون دانیشیغی زمانی، اؤلکه‌میزین بیرلشمیش ملتلر تشکیلاتی-نین اقلیم دییشیکلیی اوزره چرچیوه کنونسییاسینین طرفلر کنفرانسینین ۲۹-جو سسییاسینا (کوپ۲۹) ائو صاحب‌لیی چرچیوه‌سینده «پترسبرگ ایقلیم دیالوگو» فورماتیندا آذربایجان و آلمانیا هم‌صدرلیی ایله تدبیرین اهمیتی وورغولانیب، بوندان سونرا دا ایکی اؤلکه آراسیندا کوپ۲۹ چرچیوه‌سینده امکداشلیغین واجب اولدوغو قید ائدیلیب.

داها سونرا، قارشی‌لیقلی ماراق دوغوران دیگر ایکی‌طرفلی و رگیونال مسئله‌لر اطرافیندا فکر مبادله‌سی آپاریلیب.