آذربایجان رسپوبلیکاسینین پرزیدنتی ایلهام علیئو ایولون ۱۱-ده پاکستان اسلام رسپوبلیکاسینا دولت سفرینه گئدیب.

Axar.az خبر وئریر کی، آذربایجان پرزیدنتینه خصوصی حرمت علامتی اولاراق دولتیمیزین باشچی‌سینین طیاره‌سینی پاکستانین هاوا مکانیندا بو اؤلکه‌نین حربی هاوا قوه‌لرینین قیریجی طیاره‌لری قارشیلاییب و ائنه‌نه‌دک مشایعت ائدیب.

هر ایکی اؤلکه‌نین دولت بایراقلارینین دالغالاندیغی پاکستان حربی هاوا قوه‌لرینین نور خان بازاسیندا دولتیمیزین باشچی‌سینین شرفینه فخری قاروول دسته‌سی دوزولوب.

آذربایجان پرزیدنتینین شرفینه توپلاردان یایلیم آتشی آچیلیب.

پرزیدنت ایلهام علیئوی پاکستان اسلام رسپوبلیکاسینین باش ناظری محمد شهباز شریف قارشیلاییب.

سونرا آذربایجان پرزیدنتی و پاکستانین باش ناظری گؤروشوبلر.

قید ائدک کی، دولت باشچی‌سینین توپلاردان یایلیم آتشی ایله قارشیلانماسی شرقده تاریخی عنعنه‌دیر.

***

اسلاماباد شهرینده الهام علیئوین شرفینه یول بویونجا اونون و پاکستان لیدرلرینین شکیللری یئرلشدیریلیب.

عینی زمان‌دا فوتوبانرلرین اوزرینده آذربایجانجا شعارلار قید اولونوب.