آذربایجان اؤز تورپاقلارینی اشغال‌دان آزاد ائد‌ندن سونرا فرانسا اصل سیماسینی نمایش ائتدیردی.

Axar.az خبر وئریر کی، بونو پرزیدنت ایلهام علیئو آوگوستون ۵-ده بورکینا فاسونون آذربایجانا یئنی تعیین اولونموش فوق‌العاده و صلاحیتلی سفیری وینتا سومنین اعتمادنامه‌سینی قبول ائدرکه‌ن دئییب.

بین‌الخالق تشکیلاتلار چرچیوه‌سینده امکداشلیغا توخونان آذربایجان پرزیدنتی، ایلک نوبه‌ده، بیرلشمیش ملتلر تشکیلاتیندا، قوشولماما حرکاتیندا قارشی‌لیقلی دستیین گؤستریلمه‌سینین واجبلیینی قید ائتدی. پرزیدنت ایلهام علیئو آذربایجانین دؤرد ایل عرضینده قوشولماما حرکاتینا اوغورلا صدرلیک ائتدیینی وورغولایاراق، اؤلکه‌میزین بو دؤورده خصوصی دقت یئتیردیی موضوع‌لاردان بیرینین ده مستملکه‌چیلیک، نئو-مستملکه‌چیلیک و بونونلا مبارزه مسئله‌سینین اولدوغونو بیلدیردی. بو خصوصدا فرانسانین حیاتا کئچیردیی نئو-مستملکه‌چیلیک سیاستینین اکراه حسی دوغوردوغونو قید ائد‌ن دولتیمیزین باشچی‌سی آذربایجانین بو سیاسته قارشی اؤز سسینی اوجالتدیغینی و قانلی مستملکه‌چیلیک تاریخی اولان فرانسانین بو گون ده اسارت آلتیندا ساخلادیغی خالقلارا مستقللیک، آزادلیق طلب ائتدیینی وورغولادی. پرزیدنت ایلهام علیئو آذربایجانین غیر-حکومت تشکیلاتلارینین دا بو استقامتده بین‌الخالق غیر-حکومت حرکاتی چرچیوه‌سینده فعال ایش آپاردیغینی بیلدیردی.

فرانسانین اؤلکه‌میزه قارشی غرضلی موقعییندن دانیشان پرزیدنت ایلهام علیئو آذربایجانین اؤز تورپاقلارینی اشغالدان آزاد ائد‌ندن سونرا فرانسانین اصل سیماسینی نمایش ائتدیردیینی، بیرلشمیش ملتلر تشکیلاتیندا، آوروپا اتفاقیندا اؤلکه‌میزه قارشی عدالت‌سیز شکلده فعالیت حیاتا کئچیردیینی قید ائتدی.