آذربایجان-پاکیستان علاقه‌لری کیفیتجه یئنی مرحله‌یه قدم قویوب.

Axar.az خبر وئریر کی، بونو پرزیدنت ایلهام علیئو آوگوستون ۵-ده پاکیستان اسلام رسپوبلیکاسینین آذربایجان‌دا یئنی تعیین اولونموش فوق‌العاده و صلاحیتلی سفیری قاسم مهیوالدینین اعتمادنامه‌سینی قبول ائدرکه‌ن دئییب.

پاکیستانا دولت سفرینی ممنونلوقلا خاطیرلایان آذربایجان پرزیدنتی اونا و نماینده هیئتینه گؤستریله‌ن قوناقپرورلیین چوخ خوش تأثیر باغیشلادیغینی دئدی، بونون اؤلکه‌لریمیز و خالقلاریمیز آراسیندا دوستلوغو، قارداشلیغی و طرفداشلیغی نمایش ائتدیردیینی بیر داها وورغولاییب.

دولت باشچی‌سی بو سفرین اؤنمینه توخوناراق، امکداشلیغیمیزا دایر گئنیش ساحه‌لری احاطه ائد‌ن مسئله‌لرین مذاکره اولوندوغونو و سندلرین امضالاندیغینی ممنونلوقلا خاطیرلاییب. پرزیدنت ایلهام علیئو بو دولت سفری نتیجه‌سینده آذربایجان-پاکیستان علاقه‌لرینین کیفیتجه یئنی مرحله‌یه قدم قویدوغونو، سفر چرچیوه‌سینده مختلف ساحه‌لرده، او جمله‌دن اینوستیسییا قویولوشو و انرژی ساحه‌لرینده یئنی امکداشلیق استقامتلرینین معین ائدیلدیینی وورغولاییب.

پرزیدنت پاکیستانا دولت سفری زمانی قبول اولونموش قرارلارین، الده ائدیلمیش راضیلاشمالارین و امضالانمیش سندلرین حیاتا کئچیریلمه‌سی استقامتینده هر ایکی طرفین ایش آپاردیغینی بیلدیریب. آذربایجان پرزیدنتی پرفرنسیال تجارت سازشینین اؤنمینی قید ائد‌رک بو سنه‌ده یئنی مادده‌لرین علاوه ائدیلمه‌سی استقامتینده عایدیتی قوروملار طرفیندن ایشلرین حیاتا کئچیریلدیینی دقته چاتدیریب.

پرزیدنت ایلهام علیئو اراضیلریمیزین اشغالینا گؤره پاکیستانین ارمنیستان ایله دیپلماتیک علاقه‌لر قورماماسینی، حتی تورپاقلاریمیزین آزاد ائدیلمه‌سیندن و سووئرنلییمیزین تام برپا اولونماسیندان سونرا دا بونو ائتمه‌مه‌سینی بیر داها اصل دوستلوغون و قارداشلیغین تظاهرو کیمی یوکسک قیمتلندیریب. دولت باشچی‌سی پاکیستان رهبرلیینین وطن محاربه‌سی دورونده آذربایجانا گؤستردیی سیاسی دستیین بیزیم اوچون بؤیوک اؤنم داشیدیغینی بیر داها وورغولاییب.