ایران‌دا اسرائیلله قارشیدورمانی آذربایجان پلاتفورماسینا کئچیرمک ایسته‌یه‌ن قوه‌لرین اولدوغو بللی‌دیر. بو کونتکستده پزشکیانین سپاه-آ «اسرائیلله قارشیدورمادا آذربایجانی وورماق» تکلیفینی وئردیی حاقدا یاییلان اینفورماسییالار دقت چکیر.

پزشکیانین آذربایجانلی اولماسی اونون آذربایجان ماراقلارینی ایرانین ماراقلارینا قوربان وئرجیی دئمک دئییل، عکسینه، رژیمین ایچیندن چیخان دوکتورون لازم گلرسه، هر شیه ال آتاجاغی، یاخود رژیمین آنتی‌آذربایجان قرارلارینا قارشی چیخماق گوجونده اولمادیغی آیدیندیر. لاکن او دا آیدیندیر کی، اسرائیلله قارشیدورمادان چکینه‌ن پزشکیان آذربایجانلا نرماللاشما پروسسینی ده دستکلییر و بو باخم‌دان، اونون «آذربایجانی ووراق» موقعییندن چیخیش ائتمه‌سی ایناندیریجی دئییل.

بئله بیر اینفورماسییانین تیراژلانماسی ایران داخلینده آذربایجانا قارشی اولان قوه‌لرین – سپاه-این اؤزونون ماراغیندادیر.

- آذربایجانلا نرماللاشما پروسسینی دستکله‌یه‌ن پزشکیانی باکی ایله اوز-اوزه قویور؛

- جنوبی آذربایجان‌دا پزشکیانا اولان اینامی زدلییرلر.

استثنا دئییل کی، سپاه اسرائیلله ممکون قارشیدورمادا آذربایجانی هدفه آلماق، یاخود باکییا قارشی کهنه تهدیدلری یئنیلمک سسئناری‌سینی ده حاضیرلاییر و پزشکیانین آدیندان بئله بیر معلوماتین یاییلماسی حادثه‌لرین انکشافیندا باکینین رسمی تهرانلا دیپلماتیک تماسلارینا مانعه‌لرین یارادیلماسی مقصدی داشییر.

هرچند تهران باکی ایله نرماللاشما پروسسینه شبهه‌لرین یارانماماسی اوچون پزشکیانین آدیندان یاییلان بیاناتی تکذیب ائتمه‌لیدیر.