آمریکا و بعضی غرب اؤلکه‌لری اؤز لاقیدلیی و دستیی ایله اسرائیل رژیمینی جنایتلرینی داوام ائتدیرمه‌یه تشویق ائدیر.

Axar.az خبر وئریر کی، بونو ایران پرزیدنتی مسعود پزشکیان واتیکانین دولت کاتبی کاردینال پیترو پارولین ایله تلفون دانیشیغیندا دئییب.

پزشکیان واتیکانین دنیادا صلح، ثابتلیک و تهلوکه‌سیزلیین دستکله‌نمه‌سینده‌کی مؤوقعیینی یوکسک قیمتله‌ندیره‌رک، واتیکانی صهیونیست رژیمین غزه‌ده جنایتلرینی درحال دایاندیرماق، آنکلاوین بلوکاداسینی آرادان قالدیرماق و هومانیتار یاردیم گؤسترمک اوچون داها فعال رول اویناماغا چاغیریب.

او، تهران‌دا حماس سیاسی بوروسونون رهبری اسماعیل هنیه‌نین اؤلدورولمه‌سینی خاطیرلادیب و وورغولاییب کی، ایران بین‌الخالق حقوقا اویغون اولاراق تجاوزکاری جزالاندیرماق حقوقونو اؤزونده ساخلاییر.