ایران‌دا زنگزور دهلیزیله باغلی ناراحاتلیق گوجله‌نیب.

Axar.az خبر وئریر کی، ایران پارلامنتینین میللی تهلکه‌سیزلیک و خارجی سیاست کومیسسییاسینین صدری ابراهیم عزیزی زنگزور دهلیزی‌نین علیهینه چیخیش ائدیب.

او "مهر" آگنتلیینه دئییب کی، اسلام رسپوبلیکاسی زنگزور دهلیزینی «قیرمیزی خط» حساب ائدیر و سرحدده هر هانسی دییشیک‌لییه قطعی جاواب وئره‌جک.

ابراهیم عزیزی‌نین سؤزلرینه گؤره، زنگزور دهلیزینه دایر ژئوسیاسی پروسئسلر ایرانین ماراغیندا دئییل.

ایرانلی دپوتات دئییب کی، اؤلکه‌سینین اراضی بوتؤولویونه تهلکه یارانارسا، رسمی تهران اؤزونو مدافعه ائد‌جک.

ایرانلی پارلامنتارین آچیقلاماسی ارمنستان‌دا آز قالا طوی-بایرام سوییه‌سینده قارشیلانیب. بئله کی، ارمنستان کوتله‌وی اینفورماسیا واسطه‌لری ابراهیم عزیزی‌نین بیاناتینی سرعتله تیراژلاییبلار.

قید ائدک کی، بو، سون بیر هفته‌ده ایران رسمیلرینین زنگزور دهلیزی ایله باغلی اوچونجو سس-کویلو بیاناتی‌دیر. بوندان اول ایرانین ارمنستان‌داکی سفیری مهدی سبحانی و خارجی ایشلر ناظری عباس عراقچی ده اوخشار آچقیلاما ایله چیخیش ائدیبلر.