بیر ایل اول آذربایجان ارمنیستانین قاراباغ بؤلگه‌سینده‌کی غیر-قانونی حربی موجودلوغونا و اونون سپاراتچی رژیمینین وارلیغینا سون قویدو. "داغلیق قاراباغ" آدلی هئچ بیر بؤلگه و یا قوروم یوخ‌دور.

Axar.az خبر وئریر کی، بو باره‌ده آذربایجان خارجی ایشلر ناظیرلیینین مطبوعات خدمتی اداره‌سینین رئیسی آیخان حاجی‌زاده اکس پلاتفورماسیندا آلمانیا خارجی ایشلر ناظیرلیی-نه جوابیندا بیلدیریب.

حاجی‌زاده قید ائدیب کی، مناقشه ۳۰ ایل اول ارمنیستانین حربی تجاوزو و آذربایجانلیلارا قارشی ائتنیک تمیزله‌مه آپارماسی نتیجه‌سینده باشلاییب. آذربایجان اؤز اراضی بوتؤولویونو و سووئرنلیینی برپا ائتدیکدن سونرا مناقشه باشا چاتیب. بؤلگه‌نی ترک ائتمک ارمنی ساکنلرین اؤز سئچیمی اولوب و آذربایجان طرفی اونلاری بونو ائتمکدن چکیندیریب".

«بلی، ایندی صلح واختیدیر و امید ائدیرم کی، ارمنیستان آذربایجانین خوش نیتینه جواب وئره‌جک، قونشو دولتلرین اراضیسینه اولان ادعالاریندان تکجه سؤزده دئییل، هم ده عمل‌ده ال چکه‌جک»، - حاجی‌زاده وورغولاییب.