آرتیق رگیون‌دا ارمنیستانین خوشمراملیلیغی ایله دئییل، آذربایجانین حربی و مجبوری تدبیرلری سایه‌سینده الده اولونموش فاکتیکی صلح وار.

Axar.az خبر وئریر کی، بونو پرزیدنتین کمکچی‌سی - پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجییئو ایتالییانین آپاریجی متبو ارگانلاریندان اولان «لا رپوبلیکا» قزئتینه مصاحبه‌سینده دئییب.

"اوتوز ایل عرضینده مناقشه‌نین حلی استقامتینده نظرچارپاجاق نتیجه الده ائدیلمدیی اوچون ۲۰۲۰-جی و ۲۰۲۳-جو ایللرده بیز ارمنیستانین اشغال ائتدیی قاراباغ تورپاقلارینی آزاد ائد‌ن و بونونلا دا اراضی بوتؤولویوموزو برپا ائد‌ن ایکی حربی عملیات کئچیرمه‌یه مجبور اولدوق. بیز محاربه‌ده غالب گلدیک، ایندی صلحو ده الده ائتمک ایستییریک.

بیز صلحه همیشه‌کیندن داها یاخینیق، لاکن هله ده قارشیدا مانعه‌لر وار. بیرینجی‌سی، آذربایجانین اراضی بوتؤولویونو شبهه آلتینا آلان ارمنیستان کونستیتوسییاسیدیر. اونون پرئامبولاسی ارمنی دیلینده قاراباغین آذربایجان اراضیلرینین ارمنیستانا «بیرلشدیریلمه‌سی» معناسینی وئرن «میاتسوم» سؤزو یازیلان مستقللیک بیاننامه‌سینه استناد ائدیر. بیز تکجه ارمنیستان حکومتی ایله دئییل، هم ده آذربایجان‌دا اراضی ادعالاریندان ال چکه‌رک کونستیتوسییایا دییشیکلیک ائدیلمه‌سی اوچون رفراندوم کئچیریلمه‌سی طلبی ایله سسینی اوجالتمالی اولان ارمنی خالقی ایله ده صلح راضیلاشماسی الده ائتمک ایستییریک. صلح مقاوله‌سی کاغیذ پارچاسی دئییل، ارمنیستان‌دا هئچ کیمین بیر داها آذربایجانا قارشی رگیوندا صلحو تهدید ائد‌ن رئوانشیزمه ال آتمایاجاغینا ضمانت اولمالیدیر"، - رزیدنت آدمینیستراسییاسیرسمی‌سی قید ائدیب.