غرب جنوبی قافقاز رگیونون‌دا صلحون قارشی‌سینی آلماق اوچون ارمنیستانی دستکلییر.

Axar.az خبر وئریر کی، بونو مسکوادا آذربایجانلی ژورنالیستلره روسیالی پولیتولوق ایگور کوروتچنکو دئییب.

"ارمنیستانین آمریکا و فرانسادان حربی-تکنیکی دستیینه گلینجه، اونلار اؤز ملی ماراقلارینی قورویورلار. واشینگتونا، پاریسه و بروکسله دینج، ساکت جنوبی قافقاز لازم دئییل. اونلار آذربایجان اوزرینده تأثیر ریچاقلارینا صاحب اولماق ایستردیلر. بونا گؤره ده پاشینیان رژیمی بو گون کشفیات، مادی-تکنیکی و حربی دستک آلیر. ارمنیستان عضله‌لرینی گوجلندیریر. اونلار بونو بیر مقصدله ائدیرلر: جنوبی قافقازدا صلح و امین-آمانلیغین یارانماسینین قارشی‌سینی آلماق. چونکی جنوبی قافقاز ایلک نوبه‌ده نقلیات دهلیزلری و انرژی رسورسلاریدیر. ارمنیستان غیر-ثابتلیک منبعیی اولان ترویا آتی رولونو اویناسایدی، غرب اوچون یاخشی اولاردی"، - کوروتچنکو قید ائدیب.