روسیا و ارمنیستان سرحدچیلرینین تورکیه ایله سرحدده بیرگه خدمت ائتمه‌سی او دئمکدیر کی، روس کونتینگنتی الینده اولان بوتون صلاحیتلرینی ایتیره‌جک.

Axar.az خبر وئریر کی، بو ادعا ایله روسیا کشفیات قوروملارین یاخینلیغی ایله تانینان «ریبار» تلگرام کانالی چیخیش ائدیب.

بیلدیریلیب کی، روسیانین ارمنیستان‌داکی شخصی هیئتی ۵۰% آزالدیلیب:

«بیر نئچه یاشاییش منطقه‌سیندن – گوروس، قاراکلیسه و آرازده‌یه‌ندن روسیا بؤلمه‌لری چیخاریلیب. روسیانین رادیولوکاسییا گروپلاری گؤیچه گؤلو یاخینلیغینداکی مارتونی رایونوندان دا چیخاریلیب. تورکیه ایله سرحدده‌کی مارقارا سرحد کئچید منطقه‌سینه ایسه روسلار، عمومیتله، بوراخیلماییبلار.

بئله نتیجه‌یه گلمک اولار کی، ان واجب سرحد پستلاری آرتیق روسیا فدرال تهلوکه‌سیزلیک خدمتینین نظارتینده دئییل. بورالاردان ارمنیستانین ایرانا و گله‌جکده تورکیه‌یه اساس تجارت آخینلاری گئدیر».

«ان واجبی اودور کی، بیزده‌کی معلوماتلارا گؤره، ایرانلا سرحدده‌کی زنگزور ولایتینده آرتیق آمریکا-نین ایکی کشفیات مانور گروپو اوچون مؤقعلر حاضرلانیر. اونلار ایرانین فعالیتینی و خصوصیله ده راکتلرین بوراخیلیشینی ایزله‌یه‌جکلر»، – یازیدا وورغولانیب.