سون واختلار تورکیه‌دن ارمنیستانا قارشی بیاناتلار آرتماقدادیر. بئله بیاناتلاردا وورغولانیر کی، اگر ارمنیستان تورکیه‌نین شرطلری ایله آذربایجانین و ناخچیوانین آراسیندا زنگزور دهلیزینی آچماسا، تورکلر ایرانا گئدن یوللا بو علاقه‌نی تامین ائتمه‌یه اوستونلوک وئره‌جکلر.

Axar.az خبر وئریر کی، بو فکرلری ارمنی پولیتولوق گاگیک میناسیان دئییب.

اونون سؤزلرینه گؤره، آوروپا اؤلکه‌لری ده آذربایجان مارشروتونو اوستون توتورلار:

«بو کونتکستده قید ائتمک لازم‌دیر کی، چیندن آوروپایا قورو علاقه‌لرینین حیاتا کئچیریلمه‌سی اوزره شرق-غرب لاییحه‌سی اوچ واریانتدان عبارتدیر: خزر دنیزینین شمالیندان، ایراندان و خزر دنیزینی کئچمکله، آذربایجاندان (اورتا دهلیز). اورتا دهلیزله علاقه‌نین قورولماسینین منفی جهتی اودور کی، یوکلری دمیر یولوندان خزر دنیزینین گمیلرینه داشیماق و سونرا گمیلردن دمیر یولونا کؤچورمک لازم گلیر. بونا باخمایاراق، آوروپا اؤلکه‌لری شرق-غرب پروگرامینین روسیادان و یا ایراندان حیاتا کئچیریلمه‌سینی ایسته‌میر، اونلار آذربایجان مارشروتونو اوستون توتورلار».