تهلوکه‌سیزلیک مسئله‌لرینه گلینجه، وضعیت دییشیر. تورکیه جنوبی قافقازدا داها چوخ اهمیت کسب ائدیر و گؤرونور، تکجه باکی دئییل، ایروان دا بونونلا راضیلاشیر.

Axar.az خبر وئریر کی، بو سؤزلری روسیالی پولیتولوق آندری آرشو ارمنی مدیاسینا مصاحبه‌سینده دئییب.

«عینی زمان‌دا، روسیا یئنی یارانان شرطلر چرچیوه‌سینده حرکت ائد‌جک. روسیانین جنوبی قافقازداکی حربی موجودلوغونون داها دا آزالدیلماسی ایله باغلی آددیملارینی استثنا ائتمک اولماز. اگر ارمنیستان-تورکیه مناسبتلری نرماللاشارسا، گومروده روسیا بازاسینین اولماسینین معناسی قالمایاجاق»، -اکسپرت علاوه ائدیب.

اونون سؤزلرینه گؤره، روسیانین هم ارمنیستان‌دا، هم ده آذربایجان‌دا موجودلوغو اقتصادی اساسلارا کئچیر - غربین سانکسییالاری آلتیندا روسیانین خارجی تجارتده اوزلشدیی پروبلملره وورغو ائدیلمکله یئنیدن فورماتلاشدیریلیر.