بریکس-این طرفداشلیق استاتوسو وئردیی ۱۳ اؤلکه آراسیندا آذربایجان یوخ‌دور. تله‌سمک لازم دئییل. آذربایجان بریکس و شانخای امکداشلیق تشکیلاتینین توپلانتیلارین‌دا اشتراک ائدیر، مذاکره‌لره قاتیلیر و بو چرچیوه‌ده ایکی‌طرفلی تماسلاردان فایدالانیر، هله کی، بو کفایتدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

«بریکس-ا یئنی عضولر قبول اولونسا دا، تشکیلات سیرالارینی کوتلوی شکلده آرتیرماق‌دا ماراقلی دئییل، آرگنتینا نمونه‌سی درس اولوب. آرگنتینا بریکس-ا عضو قبول ائدیله‌ندن سونرا بو اؤلکه‌نین یئنی پرزیدنتی تشکیلاتدان امتنا ائتدی. بونا گؤره تاسیسچی اؤلکه‌لر بریکس+ فورمولو تاسیس ائدیبلر. بو، تشکیلاتا عضو اولماق ایسته‌یه‌ن اؤلکه‌لر اوچون سیناق مدتیدیر»، - او بیلدیریب.

قید ائدک کی، کازان‌دا کئچیریله‌ن ساممیتده بریکس-ا عضو دولتلرین لیدرلری هله‌لیک اتفاقا یئنی عضو قبول ائتمه‌مک، عوضینده بعضی اؤلکه‌لره بریکس طرفداشی استاتوسو وئرمک قرارینا گلیبلر.