اسرائیل ایرانا هجومو زامانی نووه و انرژی اوبیئکتلرینی هدفه آلماماقلا آمریکانین ایسته‌یینین علیهینه چیخمادی؛ بو مقام گؤستریر کی، بؤیوک محاربه‌ده ایران ماراقلی اولمادیغی کیمی، اسرائیل ده باشدا آمریکا اولماقلا، متفیق‌لرینین تام دسته‌یینی آلمادان بئله بیر دؤیوشه گیرمک ایسته‌میر؛

جاواب کاراکتری داشییان هجوم اسرائیله بیر نئچه آسپئکتدن لازیم‌دیر:

- ایرانین اسرائیله هجومونون جاوابسیز قالماسی اونون "مقاومت اوخو"ندا زدلنمیش نفوذونو قوروماغا امکان وئریردی: بو هجوملا ایرانین "توخونولماز اولمادیغی"نی گؤستریر؛

- پروکسی قوه‌لرله آپاریلان محاربه‌یه ایرانین مداخیله‌سینی محدودلاشدیرماغا چالیشیر؛

اسرائیل-ایران قارشیدورماسی هله‌لیک اداره‌اولونان وضعیتده‌دیر، لاکین ایسته‌نیلن واخت نظارتدن چیخماسی تهلوکه‌سی آکتوال اولاراق قالیر. سون هجوملا هانییه‌نین اؤلوموندن سونرا تهران-تل-آویو قارشیدورماسی‌نین داها بیر صحیفه‌سی باغلانیر، نوبتی صحیفه‌ده حوثیلرین هدفه آلیناجاغی و یئنی هجوملارین موتیوینه چئوریلجه‌یی احتمالی بؤیوکدور.