نفوذلو سی.ان.ان تلویزییا کانالینین آمریکا-داکی پرزیدنت سئچکی‌سینه، یعنی ۵ نویابرا قدر ایرانین اسرائیله ضربه ووراجاغی خبرینین حقیقت پایی وارمی؟ سی.ان.ان بو خبری منبع‌لرینه استنادن یایدیغینی بیلدیریب. منبع‌نین آغ ائو و یا دولت دپارتامنتی اولدوغونو احتمال ائتمک اولار. بو خبرین یاییلماسیندا مقصد ایرانین اسرائیله ممکون ضربه‌سینی اؤنله‌مکدیر.

Axar.az خبر وئریر کی، بو باره‌ده پولیتولوق ائلخان شاهین‌اوغلو بیلدیریب.

پولیتولوقون سؤزلرینه گؤره، آغ ائو آدمینیستراسییاسی سئچکی اؤنجه‌سی ایران-اسرائیل گرگینلیینین یئنی مرحله‌یه کئچمه‌سینی ایسته‌میر:

«آدمنیستراسییا «ایران ۵ نویابرا قدر ووراجاق» خبرینی سی.ان.ان واسطه‌سیله یایماقلا تهرانین پلانلارینی پوزماغا چالیشیب. حقیقتا سی.ان.ان یایدیغی خبردن سونرا ایران اسرائیله راکت ضربه‌سینین تاریخینی دییشه بیلر. ایرانین اسرائیله ضربه وورماق ایستیی دوغرودورسا، بو، ایکی اؤلکه آراسیندا محاربه‌نین شدتله‌نمه‌سی آنلامینا گله‌جک. چونکی اسرائیل ایرانین ضربه‌سینه یئنیدن جواب وئرجک و بو دفعه فرقلی هدفلر سئچه بیلر. ایران اوکتیابرین ۱-ده اسرائیلی راکتلرله ووردو، اسرائیل ۲۵ گون سونرا بونون جوابینی وئردی، اصلینده بو هئچ-هئچه تهرانین ماراقلارینا اویغون اولمالیدیر».