تورکییه رسپوبلیکاسینین پرزیدئنتی رجب طاییب اردوغان آذربایجان رسپوبلیکاسینین پرزیدئنتی ایلهام علیئوه تبریک مکتوبو عنوانلاییب.

Axar.az مکتوبون متنینی تقدیم ائدیر:

"جناب پرزیدئنت، عزیز قارداشیم.
قدیم آذربایجان تورپاقلارینین اشغالینا سون قویان ظفر گونونون دؤردونجو ایلدؤنومو مناسیبتیله خالقیم آدیندان و شخصاً اؤز آدیمدان ذاتی-عالینیز باشدا اولماقلا بوتون آذربایجانلی قارداش و باجیلاریما ان صمیمی تبریکلریمی چاتدیریرام.

عالی باش کوماندانلیغینیزلا قازانیلان بو ظفر آذربایجانلا بیرلیکده بوتون تورک دنیاسی اوچون غرور و ایلهام منبعیی اولموشدور. اؤتن ایل قاراباغ‌دا اوغورلا حیاتا کئچیردیینیز آنتی‌ترور عملیاتی ایله تام نظارتی تامین ائتدیینیز بو قدیم تورپاقلاردا ۳۰ ایلدن سونرا ایلک دفعه بو ایل پارلامنت سئچکیلرینین کئچیریلمه‌سی ده بیزی سئویندیرمیشدیر.

شوشا بیاننامه‌سی ایله تاجلانان، "بیر میللت، ایکی دولت" شعاری ایله تجسم اولونان سارسیلماز دوستلوق و قارداشلیق تئللریمیزدن آلدیغیمیز گوجله اشغالدان آزاد ائدیلمیش بؤلگه‌لرین برپا و یئنیدن‌قورما ایشلرینه هر جور دسته‌یی وئرمه‌یه حاضر اولدوغوموزو افاده ائتمک ایسته‌ییرم. رئگیونوموزدا داواملی صلحون، امین-آمانلیغین و ثابیتلیین تامین ائدیلمه‌سی اوچون ایکیطرفلی سوییه‌ده و بئن‌الخالق پلاتفورمالاردا سیخ امکداشلیغی، همرای‌لییی و کوردیناسییامیزی داوام ائتدیرجه‌ییمیزه اورکدن اینانیرام.

آزادلیق اوغروندا شهید اولان قارداشلاریما اوجا الله‌دان رحمت دیله‌ییر، عزیز خاطره‌لرینی احتراملا یاد ائدیره‌م. قاضیلریمیزه ده مننتدارلیغیمی افاده ائدیره‌م.

عزیز قارداشیم، فرصتدن استفاده ائد‌رک، ذاتی-عالینیزین جانساغلیغی و خوشبخت‌لییی ایله جان آذربایجان خالقینین رفاهی اوچون ان خوش آرزولاریمی بیر داها بیلدیریرم.

ظفرینیز مبارک و ابدی اولسون!"