اوزبکستان پرزیدنتی شوکت میرزیایئو آذربایجان پرزیدنتی ایلهام علیئوه تبریک مکتوبو گؤندریب.

Axar.az مکتوبون متنینی تقدیم ائدیر:

"حؤرمتلی ایلهام حیدر اوغلو.
عزیز قارداشیم.

سیزی و سیزین واسطه‌نیزله قارداش آذربایجان خالقینی شانلی بایرامینیز - ظفر گونو مناسیبتیله اورکدن تبریک ائتمکدن بؤیوک ممنونلوق دویورام.

دؤرد ایل اول اؤز خالقینین سیزین کیمی صادق اوغلو، داهی، وطنپرور، ماهر سیاسی خادیم و گؤرکملی شخصیتین رهبرلییی ایله اؤلکه‌نیزین اراضی بوتؤولویو تامامیله برپا ائدیلدی و تاریخی عدالت برقرار اولدو.

آذربایجانین آزاد ائدیلمیش شهر و کندلرینده بو گون گئنیش‌میقیاسلی برپا ایشلری آپاریلیر، معاصر اینفراستروکتور اوبیئکتلری و مدنی ارث مکانلاری یئنیدن قورولور، مینلرله کئچمیش مجبوری کؤچکون وطنداش دوغما یوردلارینا قاییدیر، اهالینین یاشاییش سوییه‌سینین یوکسلدیلمه‌سینه یؤنلمیش یئنی پروگراملار و اقتصادی-سوسیال لایحه‌لر موفقیتله حیاتا کئچیریلیر.

بو بؤیوک دییشیکلیکلره بیر نئچه دفعه شاهید اولماقدان غرور دویدوم و رسمی سفرلریم زامانی سیزینله بو نائیلیتلری پایلاشدیم. شبهه‌سیز کی، بیز اورتاق دیل، تاریخ، عادت-عنعنه‌لر و عمومی مقصدلریمیزه صادق قالاراق بیرگه ایشله‌ییریک و ایستراتژی طرفداش کیمی قارداش آذربایجان دولتینین بو بؤیوک اوغورلارینا سونسوز سئوینیریک.

حؤرمتلی ایلهام حیدر اوغلو، اؤلکه‌نیزین بین‌الخالق آرئنادا نفوذونو و موقعینی گوجلندیرمک استیقامتینده گؤستردیینیز قطعیتلی سیاسی اراده و سیستملی سعیلرینیز خصوصی تعریفه لاییقدیر.

گلن هفته گؤزل باکی شهرینده باش توتاجاق و دونیانین بوتون دولتلرینی، ائلجه ده ان نفوذلو بین‌الخالق تشکیلاتلاری بیر آرایا گتیره‌ن بیرلشمیش میللتلر تشکیلاتینین اقلیم دییشمه‌لری اوزره چرچیوه کنونسییاسینین اشتیراکچیلارینین ۲۹-جو کنفرانسی (کوپ۲۹) سیزین خارجی سیاست ساحه‌سینده بؤیوک تاریخی ظفرینیزدیر دئسم، اصلا مبالیغه اولماز.

امینم کی، بو نفوذلو تدبیرده اقلیم دییشمه‌لرینه قارشی مباریزه و اونلارین نتیجه‌لرینین آزالدیلماسی، گلوبال چاغیریشلارا جاواب وئره‌ن حل یوللارینین و گوجلندیریجی استراتژییالارین تصدیقله‌نمه‌سی، دنیا خالقلارینین "یاشیل اقتصادیاتا" کئچیدی ایله باغلی تشبوثلرینین داها دا آرتماسی استیقامتینده بؤیوک نائیلیتلر الده ائدیله‌جکدیر.

تدبیر زامانی کئچیریله‌جک یوکسک سوییه‌لی گؤروشلرده محصولدار دانیشیقلاریمیزی، چوخطرفلی امکداشلیق اوزره یئنی راضیلاشمالاریمیزی صبرسیزلیکله گؤزله‌ییرم.

فرصتدن استیفاده ائد‌رک، سیزی ظفر گونو مناسیبتیله بیر داها اورکدن تبریک ائدیر، الله‌دان سیزه و بوتون یاخینلارینیزا محکه‌م جانساغلیغی، عائله سعادتی، وطنینیزین رفاهی یولوندا گؤردویونوز ایشلرده اوغورلار آرزولاییرام، قارداش آذربایجان خالقینا ایسه صلح، امین-آمانلیق، رفاه و دایمی انکیشاف دیله‌ییرم".