آذربایجانین ایرانلا قیسا مدت عرضینده هم دنیزده، هم ده قورودا بیرگه حربی تعلیملرینین ایکی هدفی وار: بیرینجی مقصدیمیز بو تعلیملر واسطه‌سیله ایکی اؤلکه آراسینداکی سرحدده نارکوتیک قاچاقمالچیلیغینین قارشی‌سینین آلینماسیدیر. بوندان ان چوخ اذیت چکه‌ن آذربایجاندیر. اؤلکه‌میزدن ایران اراضی‌سینه نارکوتیک کئچیریلمه‌سی فاکتی یوخ‌دور. ایران اراضی‌سیندن گیزلی یوللارلا آذربایجان اراضی‌سینه ایسه تنلارلا نارکوتیک واسطه‌لر کئچیریلمه‌یه چالیشیلیر. نارکوتیک داشییانلارلا آذربایجان سرحدچیلری آراسین‌دا آتیشمالار نتیجه‌سینده حرب‌چیلریمیز هلاک اولوب، یارالانانلار وار. بونا گؤره ده بیرگه حربی تعلیملر سرحدده تهلوکه‌سیزلیین آرتیریلماسینا خدمت ائتمه‌لیدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو آذربایجان اردوسونون قورو قوشونلاری ایله سپاه آراسیندا «آراز-۲۰۲۴» بیرگه تاکتیکی تعلیمی حاق‌دا قید ائدیب.

اونون سؤزلرینه گؤره، ایکینجی مسئله آذربایجانین ایرانلا بیرگه حربی تعلیملرینین سیاسی اهمیتینین اولماسیدیر:

«ایران‌داکی سیاسی، دینی و حربی دایره‌لر آذربایجانی اسرائیلله حربی امکداشلیغی گئنیشله‌ندیرمکده اتهام ائدیرلر. حالبوکی آذربایجانین اسرائیلله امکداشلیغی ایرانا قارشی یؤنلمه‌ییب. آذربایجانین استراتژی متفقی تورکیه ایله ایل عرضینده کئچیردیی حربی تعلیملردن ده ناراحات اولانلار وار. آذربایجان ایرانلا بیرگه حربی تعلیملر کئچیرمکله آذربایجاندان قونشو اؤلکه‌یه تهدید اولمایاجاغینی تهرانا آنلاتماغا چالیشیر. تهران‌دا آنلامالیدیرلار کی، آذربایجان تورکیه، اسرائیل و ناتو ایله حربی امکداشلیقدان امتنا ائتمه‌یه‌جک. مثال اوچون آذربایجان اردوسو ایران سلاح‌لی قوه‌لری ایله بیرگه تعلیملر کئچیررکه‌ن، ناتو نماینده هیئتی باکی‌دا ایدی. باکی‌دا آذربایجانین ناتو-نون صلح نامینه طرفداشلیق پروگرامینا قوشولماسینین ۳۰ ایللیینه حصر اولونموش علمی-پراکتیک کنفرانس کئچیریلیب. گؤروشلرده ناتو ایله امکداشلیغین اساس حقوقی بازاسی حساب اولونان «فردی اویغونلاشدیریلمیش طرفداشلیق پروگرامی» لاییحه‌سینده گؤستریله‌ن عهده‌لیکلرین اجراسی ایله باغلی جاری وضعیت و بین‌الخالق تهلوکه‌سیزلیک میسیالاریندا حربی قوللوقچولاریمیزین اشتراکی باره‌ده دانیشیلیب. آذربایجان ناتو-یا عضو اولماق ایسته‌میر، آنجاق اردوموزون داها دا مدرنلشدیریلمه‌سی باخیم‌دان شمالی آتلانتیکا بلوکونون مختلف پروگراملارین‌دا اشتراک اؤلکه‌میز اوچون اولکی‌تک فایدالیدیر».