گورجوستانی نه واخت آب-یه عضو ائتدیلر کی، ایندیکی حکومت ده بونا راضی اولمادی؟!

Axar.az خبر وئریر کی، بو سؤزلری اکسپرت ناطق جعفرلی گورجوستان حاکمیتینین آوروپا بیرلییینه عضولوک دانیشیقلارینی ۲۰۲۸-جی ایله قدر دایاندیرماسی و بونا اعتراض اولاراق بیر نئچه گوندور تیفلیس‌ده داوام ائد‌ن آکسییالار حاق‌دا قید ائدیب.

او بیلدیریب کی، نه گورجوستان، نه ارمنیستان، نه ده آذربایجان آیری-آیری‌لیقدا، تکباشینا هئچ واخت آوروپا بیرلییینه عضوو اولمایاجاق:

«آوروپا بیرلییی ایله قورو سرحدی اولمایان اؤلکه آوروپا بیرلییینه عضو اولا بیلمز، بو، تکنیکی، اقتصادی اولاراق ممکن دئییل - چونکی آبوروپا بیرلییی عمومی بازار، مالیه، گمروک سیاستی دئمک‌دیر. بو مسئله‌لر قورو سرحد اولمازسا-اولمازدیر، اوکراینا و مولدووا اوچون ممکن‌دور، جنوبی قفقاز اؤلکه‌لری اوچونسه یوخ.

جنوبی قفقاز اؤلکه‌لرینین بیر-بیریندن باشقا هم ده تورکییه ایله قورو سرحدی وار، قارداش اؤلکه‌میز ایسه آوروپا ایله سرحددیر. دئمه‌لی، ایلک تورکییه آوروپا بیرلیینه عضو اولمالی‌دیر کی، جنوبی قفقاز دا عضو اولا بیلسین.

یعنی تورکییه‌سیز ممکن دئییل، باشقا یول یوخدور، بو حاق‌دا دانیشانلار خالقی، جمعیتی، ساده‌جه، آلدادیرلار - او جمله‌دن، گورجوستان مخالفتی و ارمنستان اقتداری...»