تورکیه، روسیا و ایرانین سوریا مناقشه‌سیله علاقه‌دار ۲۰۱۷-جی ایلده تاسیس ائتدیکلری آستانا فورماتی تاریخه قوووشدو. ۳ اؤلکه‌نین خارجی ایشلر ناظیرینین آستانا فورماتینداکی سون گؤروشو دکابرین ۷-ده قطرین پایتاختی دوحه‌ده کئچیریلدی.

Axar.az خبر وئریر کی، بو باره‌ده پولیتولوق ائلخان شاهین‌اوغلو بیلدیریب.

اونون سؤزلرینه گؤره، بو، معناسیز توپلانتی ایدی، گؤروش کئچیریلرکه‌ن، سوریانین سلاح‌لی گروپلاری پایتاخت دمشقه یاخینلاشمیشدیلار و بشار اسد رژیمینین ییخیلاجاغی بللیدی:

«مسکوا و تهرانین اسدی خلاص ائده بیلمیجیی معیینلشمیشدی. واختیله تورکیه‌نین سوریاداکی حاقلی ماراقلارینی نظره آلمایان تهران و مسکوا بو دفعه آز قالا آنکارایا یالواریردیلار کی، سلاح‌لی گروپلارین هجومونو دایاندیرین. آنجاق گئج ایدی. آنکارا دیپلماتیک ائتیکت نامینه مسکوا و تهرانین «دوحه‌ده گؤروشک» تکلیفینه «یوخ» دئمه‌دی.

آستانا فورماتی هم ده اونا گؤره تاریخه قوووشور کی، ۳ دولتدن ایکی‌سی – روسیا و ایران بشار اسدین یانیندا اولدو، تورکیه‌دن فرقلی اولاراق، سوریادا اصلاحاتلارین آپاریلماسی ضرورتینین علیه‌اینه چیخ‌دی».

قید ائدک کی، ۸ دکابردا «هیئت تحریر الشام» گروپلاشماسی دمشقی اله کئچیریب و اسد رژیمینی دئویریب.