آذربایجان پرئزیدئنتی ایلهام علیئو گورجوستانین یئنی سئچیلن پرزیدنتی میخایل کاولاشویلییه تبریک مکتوبو گؤندریب.

Axar.az مکتوبون متنینی تقدیم ائدیر:

"حورمتلی جناب کاولاشویلی.

گورجوستانین پرزیدنتی وظیفه‌سینه سئچیلمه‌یینیز مناسیبتیله سیزی اورکدن تبریک ائدیره‌م.
آذربایجان-گورجوستان علاقه‌لری تاریخاً دوستلوق و مهربان قونشولوق شرایطینده یاشامیش، بیر-بیرینه دایم دستک اولموش خالقلاریمیزین اراده‌سیندن قایناق‌لانیر. بئله محکم تمللر اوزرینده قورولموش، قارشیلیقلی حورمت و اعتیمادا اساسلانان ایکیطرفلی مناسیبتلریمیزین بو گون هرطرفلی و موفقیتله انکیشاف ائتمه‌سی بیزی سئویندیریر.

اینانیرام کی، اؤلکه‌لریمیزین و خالقلاریمیزین رفاهی، رئگیونوموزون ثابتلییی و تهلوکسیزلیینین تامین اولونماسی، اقتصادی پتنسیالینین رئاللاشدیریلماسی نامینه دولتلرآراسی علاقه‌لریمیزین و استراتژی طرفداشلیغیمیزین داها دا محکملندیریلمه‌سی و گئنیشلندیریلمه‌سی استیقامتینده بیرگه سغیلر گؤسترجه‌ییک.

سیزه محکم جانساغلیغی، خوشبختلیک، دوست گورجوستان خالقینین فیراوانلیغی نامینه قارشیداکی مسئول فعالیتینیزده اوغورلار آرزولاییرام".