اولجه ملی استخبارات تشکیلاتی (میت) باشکانی ابراهیم کالین دمشقه گئده‌رک، «هیئت تحریر الشام» لیدری ابو محمد جولانی ایله گؤروشدو، سونرا نوبه خارجی ایشلر ناظیری حاکان فیدانا چاتدی. نوبتی مرحله‌ده جمهورباشقانی رجب طیب اردوغان سوریا پایتاختینا گئدجک.

Axar.az خبر وئریر کی، بو باره‌ده پولیتولوق ائلخان شاهین‌اوغلو یازیب.

او بیلدیریب کی، تورکیه رسمیلرینین دمشقه آرتان سفرلری سوریاداکی اولایلارین تورکیه‌نین ماراقلارینا اویغون اولدوغو یاناشماسینی بیر داها تصدیق ائدیر:

«بیرینجی نوبه‌ده تورکیه هیئت تحریر الشام ایله بیرگه سوریانین شمالیندا ترورچو پ.ک.ک تشکیلاتینین وارلیغینا سون قویماق ایستییر. بو، سوریانین کئچیجی حکومتی اوچون ده واجبدیر. بونونلا هم اؤلکه‌نین اراضی بوتؤولویو تامین اولوناجاق، هم ده سوریانین ان زنگین اراضیلری نظارت آلتینا آلیناجاق. ایکینجی‌سی، کئچیجی حکومتین سوریانین یئنیدن قورولماسیندا تورکیه‌نین دستیینه احتیاجی وار. مذاکره اولوناجاق باشقا واجب دتاللار دا وار کی، بونلارین دا رئاللاشماسینی ایکی اؤلکه آددیم-آددیم حیاتا کئچیرجکلر».