تورکیه جمهورباشقانی رجب طیب اردوغانلا آذربایجان پرزیدنتی ایلهام علیئو بوگونکو تلفون دانیشیغی زمانی سوریانین سوسیال و اقتصادی انکشافی ایله باغلی بیرگه سعیلرین گؤستریلمه‌سینی راضیلاشدیریبلار. آذربایجانین تورکیه‌ده‌کی سفیری رشاد ممدوو ایسه عینی گونده تورکیه خارجی ایشلر ناظیرلیینین سوریا اوزره اداره رئیسی مصطفی یورداکولو ایله گؤروشوب. گؤروشده سوریایا هومانیتار یاردیملا باغلی آذربایجان و تورکیه آراسین‌دا بیرگه فعالیت امکانلاری مذاکره ائدیلیب.

Axar.az خبر وئریر کی، بو باره‌ده پولیتولوق ائلخان شاهین‌اوغلو بیلدیریب.

«بئله‌لیکله، آذربایجان سوریانین یئنیدن قورولماسیندا اشتراک ائد‌جک. ساده‌جه گؤستریله‌جک یاردیمین مقیاسی و استقامتلری معیینلشمه‌لیدیر. سوریا اینفراستروکتورونون یئنی‌دن قورولماسیندا تورکیه باشلیجا رول اوینایاجاغیندان آذربایجان استراتژی متفقیله بیرگه حرکت ائتمک ایستییر. سوریانین هر ساحه‌ده دسته‌یه احتیاجی وار.

بو آرادا، آذربایجانین سوریادا سفیرلیینین فعالیته باشلاماسی دا آکتواللاشیب. هر حال‌دا سفیرلیین دمشقده‌کی کهنه بناسینا گئری دؤنمک امکانلاری نظردن کئچیریلیر»، - پولیتولوق وورغولاییب.