ایران دولت تلویزییاسی – پرس ت.و-نین دیرکتورو مهدی خانعلی‌زاده گؤرون نه دئییر: «عراق‌دا تورکیه‌یه قارشی س.د.ف/پ.ک.ک/ی.پ.گ-نی دستکلدییمیز کیمی، سوریا انقلاب‌چیلارینا قارشی دا آمریکا ایله متفق اولمالییق. سوریادا دا کوردلره دستک وئرملییک...»

Axar.az خبر وئریر کی، بو باره‌ده آوروپادا یاشایان ژورنالیست ائلبیی حسنلی قید ائدیب.

او بیلدیریب کی،«آمریکایا اؤلوم»، «آمریکا ان بؤیوک شیطاندیر» دئیه‌نلر ایندی «سام دایی» ایله متفق اولماق ایستییر:

«چونکی تورکیه‌نی وورماق ایستییرلر. تورکیه‌نی وورماق ائله آذربایجانی وورماق کیمی بیر شی‌دیر. آذربایجان سوریادا تورکیه ایله چیین-چیینه‌دیر.

فارس شووینیستلری آذربایجان تورکلرینه قارشی ارمنیلره دستک وئردیلر، ایندی ده تورکیه تورکلرینه قارشی آمریکا ایله متفق اولوب، پ.ک.ک-یا دستک وئرمک آرزوسونا دوشوبلر».

قید ائدک کی، ایرانین آذربایجان‌داکی سفیرلیینین موقتی ایشلر وکیلی سید جعفر آقایی مریانی بو گون خارجی ایشلر ناظیرلیینه چاغیریلیب، ایرانین عالی رهبرینین اردبیل ولایتی اوزره نماینده‌سی، اردبیلین امام جمعه‌سی سید حسن عاملینین اشتراک ائتدیی و ایرانین رادیو و تلویزییا تشکیلاتینین "خبر شبکه‌سی" کانالیندا یاییملانان تدبیرده آذربایجانا و دولت باشچیمیزا قارشی سسله‌ندیریله‌ن تحقیرامیز ایفاده‌لره گؤره ایران طرفینه سرت اعتراض بیلدیریلیب.