آذال-ین آکتاودا قضایا اوغرایان طیاره‌سی‎‌نین اوچوش رئگیستراتورلارینین شیفره‌سی‌نین آچیلماسی اوچون برازیلییایا وئریلمه‌سی استنطاقین غرضسیزلییی اوچون یگانه دوزگون حل یولودور.

Axar.az خبر وئریر کی، بونو قازاخیستان پرزیدنتی قاسیم-ژومارت توکایئو دئییب.

«حکومت کومیسسییاسی گمی‌نین استحصال اولوندوغو برازیلییایا اوچوش رئگیستراتورلارینی دئشیفره ائتمک قرارینا گلیب. من امینم کی، بو، تحقیقاتین اوبیکتیولیینی و غرضسیزلیینی تامین ائتمک اوچون یگانه دوزگون قراردیر»، - توکایئو بیلدیریب.

توکایئو قید ائدیب کی، بوگونکو تلاطملو دنیادا تکنوگئن و طبیعی فلاکتلرین سایی آرتیر و بوتون دولتلر، او جمله‌دن انکشاف ائتمیش دولتلر بونا حاضر دئییل، لاکین دیگر اؤلکه‌لرله مقایسه‌ده قازاخیستان فوق‌العاده حاللارا جاواب وئرمک باخیمیندان لاییقلی گؤرونور:

«بئله وضعیتلرده ثانیه‌لر گئدیر. خلاص‌ائدیجیله‌ریمیز، حکیملریمیز و پلیسلریمیز اوپئراتیو، کوردیناسییالی حرکت ائدیبلر، پشه‌کارلیق و وطنداش مسئولیتی نماییش ائتدیریبلر. فاجعه یئرینه یاخین اولان مانگیستاو رئگیونال الکتریک شبکه‌سی شیرکتی‌نین امکداشلاری درحال حادثه یئرینه گلیبلر. یئرلی ساکینلر ده کناردا قالمادیلار. وطنداشلاریمیزین بو فداکارلیغی سایه‌سینده ممکون قدر چوخ انسانین حیاتی خلاص ائدیلیب. خلاص‌ائتمه ایشلرینده اشتراک ائد‌ن هر کسه صمیمی تشکورومو بیلدیریرم".