بیلیرسینیز کی، بیز سفیرلیین بوتون امکداشلارینی گئری چاغیردیق و بیزه رسمی قایدادا سؤز وئریلمه‌یه‌نه قدر، - ایرانین مرحوم خارجی ایشلر ناظری، طیاره قضاسین‌دا هلاک اولموش جناب عبداللهیان گلیب منه سؤز وئرمیشدی کی، او آدام اعدام حکمونه جلب ائدیله‌جک، - اوندان سونرا بیز سفیرلیین امکداشلارینی گئری قایتاردیق.

Axar.az خبر وئریر کی، بونو پرزیدنت ایلهام علیئو یانوارین ۷-ده یئرلی تلویزییا کاناللارینا مصاحیبه‌سینده آذربایجانین ایران‌داکی سفیرلیینده باش وئره‌ن ترور آکتی حاق‌دا دانیشارکه‌ن دئییب.

«اما بیزی یئنه ده آلداتدیلار. چونکی بو اعدام حکمو هم اجرا ائدیلمه‌دی، هم ده ایش محکمه‌دن یئنه ده استنتاقا گؤندریلدی. یعنی، بو، دولت سویه‌سین‌ده ائدیله‌ن آنلاشیلماز بیر حرکت ایدی و بیز اؤز طلبلریمیزده اسرارلیییق. بیز بیلیریک کی، ایران‌دا داها آز آغیر اولان جنایتلره گؤره اعدام حکمو اعلان ائدیلیر و درحال اجرا اولونور. اما بورادا ایکی ایل، بو، نه‌اینکی اجرا ائدیلمه‌ییب، حتی ایش یئنه ده استنتاقا گؤندریلیب»، - ایلهام علیئو قید ائدیب.