ایران‌دان آذربایجانا قارشی نوبتی آنتی-تبلیغات هجومو گؤزله‌نیلندیر. بونون سببلری – سوریادا مغلوبیت، «مقاومت اوخو»نون داغیلماسی و تهران رژیمینین داها اؤنجه ده استفاده ائتمه‌یه چالیشدیقلاری «هدف دییشدیرمه» تاکتیکاسی – حاقدا یازمیشدیق. اردبیل‌ده خامنه‌ی‌نین «ایالت ملاسی» آملی‌نین رهبرلیگی ایله تشکیل ائدیله‌ن سون حادثه بونون آنونسو حساب ائدیله بیلر.

پرزیدنت ایلهام علیئوین یئرلی تلویزییالارا مصاحیبه‌سین‌ده دئدیکلری ده اصلینده حادثه‌لرین ممکن اینکیشافینی قاباقلاماق گئدیشی‌دیر. و هم داخلی آودیتورییایا، هم ده ایرانا اونوان‌لانان آچیق مئساژ کاراکتری داشیییر.

- ایرانین قاراباغ محاربه‌سی و سونراسیندا آذربایجانا قارشی دوشمن حرکتلرینی دتال‌لی شکیل‌ده آچیقلاماقلا اجتماعی‌یته بو اؤلکه‌نین گئرچک سیماسینی – مقصدینی گؤستریر و جنوبدان ممکن اینفورماسییا - خصوصیله دینی موستویده - هجوملارینی اؤنجه‌دن نیتراللاشدیریر؛

- ایرانا «هئچ نیی اونوتمادیغیمیزی»، عینی سیاست – ریتوریکا تکرارلاناجاغی تقدیرده، آدئکوات آددیملارین آتیلاجاغینین مساژینی وئریر.

بو، هم ده ایرانین یئنی حاکمیتینه - پزشکیانا رئال وضعیتی چاتدیرماغا حسابلانیب. چونکی ایران‌دان آذربایجانا قارشی هجوملاری اساساً محافظه‌کارلار – سپاه قانادی تشکیل ائدیب. علیئو سفیرلییمیزه قارشی ترور آکتینین تشکیل ائدیلدیینی و ترورچونون جزالاندیریلمادیغینی وورغولاماقلا، ائلجه ده «ایالت ملاسی» (آملی) حاق‌دا دئدیکلری ایله یئنی حاکمیته مناسبتلرین پرسپکتیوینین هارادان کئچدیینی گؤستریر:

- ترور آکتینین آرخاسین‌دا ایران ایستئبلیشمئنتی (سیستم مسلط سازمان ها، بنگاه ها، سایر ساختارها که قادر به تأثیرگذاری بر جامعه، دولت، روابط اقتصادی، ایدئولوژیک هستند. - دولت سایه) دایانیر: ترورچو ایله باغلی وئریلن اعدام حکمو اجرا ائدیلمه‌لیدیر؛

- اردبیل‌ده تشکیل ائدیله‌ن «تحقیر شبیهی»نین تشکیلاتچیسی یئنه ایران سیاسی-حربی الیتاسی‌دیر: آملی جزالاندیریلمالی و تحقیر-تهدید سیاستینه سون قویولمالیدیر.

عکس تقدیرده، ایرانلا مناسیبتلرین پرسپکتیوی دومان‌لی اولاجاق. و بونا گؤره گناهکار باکی یوخ، تهرانین اؤزو – اونون سئچیملریدیر.

علیئو اصلینده ایران اطرافیندا چمبرین دارالدیغی واخت آذربایجانین شرطلرینی دیکته ائدیر.