تورکییه شیرکتلری طرفیندن آذربایجانا ۱۶، آذربایجان‌دان تورکییه‌یه ایسه ۲۰ میلیارد آمریکا دوللاری سرمایه قویولوب.

Axar.az خبر وئریر کی، بونو آذربایجانین خارجی ایشلر ناظری جیهون بایراموو یانوارین ۱۸-ده تورکییه‌لی همکاری حاکان فیدان ایله باکی‌دا کئچیریلن بیرگه مطبوعات کنفرانسین‌دا دئییب.

خارجی ایشلر ناظری حاضردا آذربایجان‌دا ۴ میندن چوخ تورکییه شیرکتینین فعالیت گؤستردیینی وورغولاییب.

«حاضردا یئنی لاییحه‌لر اوزرینده ایش گئدیر. آذربایجان گازینین تورکییه و آوروپایا اخراج حجمی‌نین آرتیریلماسی استقامتینده ایشلر گئدیر. گازیمیزین اخراج جغرافییاسی‌نین نوبتی ایللرده گئنیشلنجه‌یینی گمان ائدیریک»، - جیهون بایراموو علاوه ائدیب.