تهدیدین اؤزونده فاکتیکی ساختاکارلیق وار، چونکی اونون (نیکول پاشینیانین – رئد.) پارلامنتده وئردیی و حیاتا کئچیردیی رگلامنتده دئییلیر: «صلح مقاوله‌سینده باشقا بیر شی نظرده توتولماییبسا، دمارکاسییا آلماتی بیاننامه‌سی اساسیندا آپاریلیر».

Axar.az خبر وئریر کی، بونو «ارمنیستان» فراکسیاسینین ملت وکیلی آرتور خاچاتریان نیکول پاشینیانین درج اولونموش مقاله‌سینی شرح ائدرکه‌ن دئییب.

خاچاتریان قید ائدیب کی، هئچ بیر دانیشیقلار پروسسی یوخ‌دور:

«دانیشیقلار پروسسی ایکی برابر طرفین خوش نیت نمایش ائتدیررک قارشی‌لیقلی مقبول حله گلمه‌یه چالیشماسیدیر. اما آذربایجاندان سفاریشلر، بو حاکمیتدن بیرطرفلی گذشتلر وار. پاشینیان دئییر: من سیزه هجوم ائتمک فکرینده دئییله‌م. یئری گلمیشکه‌ن، ارمنستانین آذربایجانا هجوما کئچمه‌سی و اونا گؤره ده آوروپالی مشاهده‌چیلری دعوت ائتمه‌سی ناغیل دئییلمی؟ آذربایجان ارمنستانین اونا هجوم ائدجه‌ییندن قورخسایدی، اؤزو ده آوروپالی مشاهده‌چیلر ایستیردی».