روسیا و آمریکا لیدرلری آراسیندا ایلک تلفون دانیشیغینین نتیجه‌لری، بئله بیر قارشیدورمادا الده اولونان راضیلاشمالار قناعتبخش کیمی سجیه‌لندیریلمه‌لیدیر، چونکی محاربه‌نی بیتیرمک و راضیلیغا گلمک اوچون عمومی احوال-روحیه، کونسنسوس وار.

Axar.az خبر وئریر کی، بو سؤزلری روسیالی آنالیتیک آلکساندر خرامچیخین آمریکا پرزیدنتی دونالد ترامپ و روسیا لیدری ولادیمیر پوتین آراسین‌دا ۱۲ فورال‌دا باش توتان تلفن دانیشیغی حاق‌دا قید ائدیب.

«لاکین بو دانیشیقلار آسان اولمایاجاق، چونکی آمریکا-نین حاضیرکی پرزیدنتی ایسته‌نیله‌ن پروسسده بیزنسمن کیمی چیخیش ائدیر و کلاسیک سیاستچی منتیقینی رهبر توتمور»، - او بیلدیریب.

اکسپرتین فکرینجه، مسئله یالنیز اوکراینا ایله باغلی دئییل، دانیشیقلار چوخ‌وکتورلو اولاجاق و دیگر رگیونلاری دا احاطه ائد‌جک:

«یاخین شرق بؤلگه‌سی بو آدمینیستراسییا اوچون ان واجب بؤلگه‌یه چئوریلیب، اصلینده ترامپین غزه ایله باغلی هانسی آچیقلامالار وئردیینی ائشیدیریک. اوکراینادان فرقلی اولاراق، اسرائیلین ماراقلاری و اونلارین تشویقی ترامپ اوچون واجبدیر، بو ایسه او دئمکدیر کی، روسیادان فرقلی اولاراق، ایران استقامتینده پروبلملی انکشافلار باش وئره بیلر. لاکن بو موضونون رسمی بیاناتا داخل ائدیلمه‌سی او دئمکدیر کی، روسیا واسطه‌چی رولونو اؤز اوزرینه گؤتوره و ایران-آمریکا قارشیدورماسینی یومشال‌دا بیلر. حساب ائدیرم کی، روسیا ایله ایران آراسیندا بو یاخینلاردا امضالانمیش استراتژی طرفداشلیق مقاوله‌سی ده بونا تحفه وئریب».