ارمنستانین کئچمیش پرزیدنتی روبرت کؤچریان ۱۹۹۹-جو ایلده آذربایجانلا آپاریلان دانیشیقلاردا مهری رایونو ایله قاراباغین "بارتر ائدیلمه‌سی" ادعاسی حاق‌دا چیخیش ائدیب.

Axar.az خبر وئریر کی، ارمنستان‌دا سون گونلر کؤچریانین دورون‌ده مهری‌نین آذربایجانا وئریلمه‌سی قارشیلیغیندا قاراباغین ارمنستانا بیرلشدیریلمه‌سی ادعالاری مذاکره ائدیلیر.

بو مسئله آمریکا دولت دپارتامنتینین مخفیلیینی لغو ائتدیی سندلرده عکسینی تاپیر. پلانا گؤره، مهری و قاراباغین دییشدیریلمه‌سی گونده‌مده اولوب.

کؤچریان بیلدیریب کی، بو مسئله ۱۹۹۹-جو ایلده گونده‌مده اولسا دا، رسمی شکیل‌ده ایر‌لی سورولمه‌ییب.

«بو مسئله ۲۰۰۱-جی ایلده کی-اویست دانیشیقلاریندا ایر‌لی سورولوب. پلانا گؤره قاراباغ ارمنستانا بیرلشدیریلمه‌لی ایدی، مهری ایسه آذربایجانا. آذربایجان سوورن حقوقلارا مالیک اولان دهلیز الده ائدیردی. بو مذاکره ائدیلدی، لاکین سونرا باکی بو واریانتی رد ائتدی»، - او بیلدیریب.

کؤچریان حساب ائدیر کی، مهری موضوع‌سو ارمنستانین حاضرکی حاکمیتی طرفیندن مقصدیؤنلو شکیل‌ده تیراژلانیب: «چونکی بو حاکمیت آذربایجانا مهری‌ده‌ن ایستدیی دهلیزی وئرمک ایستییر».

قید ائدک کی، ۲۰۰۱-جی ایلده کی-اوست‌ده کئچیریلن دانیشیقلاردا مهری و قاراباغ مسئله‌سی گونده‌مده ایدی، لاکین رسمی باکی بوندان امتناع ائتدی، دانیشیقلارین بیرباشا اشتراکچی‌سی اولان کؤچریان دا بونو تصدیق ائدیر. همین واخت دانیشیقلار آپاران پرزیدنت حیدر علیئوین سیاستینی داوام ائتدیره‌ن پرزیدنت ایلهام علیئو قاراباغی – اشغال اولونموش بوتون اراضیلری آزاد ائتدی، سوورنلییمیز برپا اولوندو و ارمنستانی مهری‌دن آذربایجانا دهلیز وئرمکله باغلی عهده‌لیک گؤتورمه‌یه مجبور ائتدی.