باکی اؤز بیاناتلاری ایله ارمنیستان‌دا کونستیتوسییا اصلاحاتلاری پروسسینه مانع اولور.

Axar.az خبر وئریر کی، بو سؤزلری ارمنیستان پارلامنتینین آوروپایا اینتگراسییا کمیسیاسینین رهبری آرمان یگویان ارمنیستان-آوروپا بیرلیی پارلامنت طرفداشلیق کمیته‌سینین هم‌صدری نیل اوشاکوولا کئچیردیی بریفینگده بیلدیریب.

او، آذربایجانین خارجی ایشلر ناظیرینین معاونی ائلنور ممدوون باکینین ارمنیستان‌دان «نرماللاشما پروسسینده اساس مانعه‌نی آرادان قالدیرا بیله‌جک» کونستیتوسییا دییشیکلیکلری گؤزلدیینی، یعنی ارمنیستانین اراضی ادعالاریندان رسما امتنا ائتمه‌سینی نظرده توتان سؤزلرینی بئله شرح ائدیب:

«باکی بو سؤزلرین ارمنیستان‌دا هانسی رئاکسییایا سبب اولاجاغینی چوخ گؤزل باشا دوشور و بونا گؤره ده اصلاحاتلارین قارشی‌سینی آلماق اوچون بئله بیاناتلار وئریرلر».

او، همچنین وورغولاییب کی، صلح مقاوله‌سینین ۱۷ بندیندن ۱۵-ی آرتیق راضیلاشدیریلیب، قالان ایکی‌سی ایسه کونستیتوسییا ایله باغلی دئییل.