آمریکا پرزیدنتی دونالد ترامپین ایرانین دینی رهبری علی خامنه‌اییه مکتوب گؤندرمه‌سی آغ ائو صاحبینین حیله‌گر گئدیشیدیر. دونالد ترامپ مکتوبو ایران پرزیدنتینه دئییل، دینی رهبره عنوانلاماقلا قرارلارین تهران‌دا دئییل، قم‌دا وئریلمه‌سینی قبول ائتدیینی گؤستریب. «من ایرانلا راضیلاشماغا اوستونلوک وئریرم، خامنه‌اییه مکتوب گؤندردیم. ایرانین نووه سلاحی و باشقا واریانتلاری اولا بیلمز» دئیه‌ن ترامپ نووه پروگرامی ایله باغلی ایرانلا راضیلاشمایا اوستونلوک وئردیینی بیان ائدیب.

Axar.az خبر وئریر کی. بو سؤزلری پولیتولوق ائلخان شاهین‌اوغلو بیلدیریب.

«منتیقله عالی دینی لیدر ترامپا جواب مکتوبو گؤندرمه‌لیدیر. آنجاق آمریکا ایله دانیشیقلاری «آخماقلیق» آدلاندیران دینی لیدر «شیطان» آدلاندیردیغی اؤلکه‌نین پرزیدنتینه جواب مکتوبو یازارمی؟ ترامپین حیله‌سی ائله اوندان عبارتدیر کی، او، قم‌دان جواب آلماسا و یا جواب اونو قانع ائتمه‌سه، اسرائیله ایرانین نووه مرکزلرینه ضربه ائندیرمه‌سینین یولونو آچاجاق»، - پولیتولوق وورغولاییب.