آذربایجان و ارمنستان آراسین‌دا صلح سازشینین امضالانماسی اوچون جدی مانعه‌لر قالماییب و بوتون بندلر راضیلاشدیریلیب. بونونلا بئله، آذربایجانین اساس طلبلریندن بیری اولان ارمنستان کونستیتوسییاسینین دییشدیریلمه‌سی مسئله‌سی هله ده گونده‌مده قالیر. اگر ارمنستان بو مسئولیتی اؤز اوزرینه گؤتوررسه، سازشین امضالانماسی ممکن اولاجاق.

بو فکرلری Axar.az-آ پولیتولوگ الخان شاهینوغلو آذربایجان و ارمنستان آراسیندا صلح سازشی متنینین راضیلاشدیریلماسی حاق‌دا دانیشارکه‌ن دئییب.

اونون سؤزلرینه گؤره، صلح مقاویله‌سینین اوچطرف‌لی اساس‌دا امضالانماسی بؤلگه اوچون اهمیت‌لی آددیم اولا بیلر:

«صلح سازشینین امضالانماسی اوچون ان اویغون مکان تورکیه اولا بیلر. چونکی ارمنستانین باش ناظری نیکول پاشینیان تورکیه‌لی ژورنالیستلره وئردیی مصاحبه‌ده آنکارا ایله علاقه‌لرین برپاسیندا ماراقلی اولدوغونو بیلدیریب. آذربایجانلا ارمنستان آراسیندا صلح سازشینین امضالانماسی، عینی زمان‌دا، تورکیه و ارمنستان مناسبتلرینین نورماللاشماسینا شرایط یاراداجاق. دیپلماتیک مناسبتلرین قورولماسی اوچون آنکارادا و یا استانبول‌دا اوچطرف‌لی فورمات‌دا مذاکره‌لر آپارماق ممکن‌دور».

پولیتولوگ بیلدیریب کی، صلح پروسسینین اوغورلا ایر‌لیله‌مه‌سی فونوندا سازشین بو ایل، حتی یاخین مدت‌ده امضالانماسی ممکن اولا بیلر.