ایندی دنیادا محاربه‌لر، قانلی توققوشمالار کفایت قدر گئنیش وسعت آلیر. ایندی اینترنت دورون‌ده، اینفورماسییا آزادلیغی دورونده هر کس هر شئیی بیلیر، گؤرور و ایزله‌یه بیلیر.

Axar.az خبر وئریر کی، بو سؤزلری پرزیدنت ایلهام علیئو آغدره‌نین سوقوووشان کندینده انشا اولونان یاشاییش کومپلکسینین استفاده‌یه وئریلمه‌سی مراسیمینده چیخیشی زمانی سؤیله‌ییب.

دولت باش‌چی‌سی قید ائدیب:

«گؤروروک کی، هئچ ده هر بیر اؤلکه اؤز ماراقلارینی، عدالت‌لی ماراقلارینی اؤزو تعمین ائده بیلمیر، یا دا اؤز اراضی بوتؤولویو اوغروندا مباریزه آپاریر، اما نتیجه‌یه چاتا بیلمیر، یا دا کی، هر هانسی بیر کیچیک حجم‌لی حربی اوغورا نایل اولور، اما تام غلبه الده ائده بیلمیر. یعنی، ساده‌جه اولاراق، بو گون دنیادا گئدن توققوشمالارا، مناقشه‌لره، محاربه‌لره نظر سالساق، سون تاریخین محاربه‌لرینه نظر سالساق، حتی دئیه بیلره‌م کی، ایکینجی دنیا محاربه‌سیندن سونرا آذربایجان قدر بیرمعنالی و تام غلبه هئچ کیم طرفیندن قازانیلماییب».