جنوبی قافقازدا نقلیات کومونیکاسییالاری ایله باغلی روسییا، آذربایجان و ارمنستان لیدرلری طرفیندن راضیلاشدیریلمیش مسئله‌ده ایروانین رسمی موقعی دییشیبسه، بو، اؤلکه‌نین سووئرن حقوقو اولاراق قالیر، لاکین ارمنستان بو باره‌ده موافق سوییه‌ده رسمی بیانات وئرسه‌یدی، داها دوزگون اولاردی.

Axar.az خبر وئریر کی، بونو روسییا خارجی ایشلر ناظرلیی‌نین رسمی نماینده‌سی مارییا زاخاراوا بو گون کئچیردیی برفینگده بیلدیریب.

اونون سؤزلرینه گؤره، روسییا طرفی امین‌دیر کی، قید اولونان فورمات‌دا هرطرفلی قارشیلیقلی علاقه‌نین تئزلیکله برپاسی تکجه جنوبی قافقازین نقلیات-لوجیستیکا سیستمی‌نین مدرنلشدیریلمه‌سینه و اونون آوروپا ایله آسییا آراسیندا ایری‌مقیاسلی یوک داشیمالارینا انتگراسییاسینا کمک ائتمه‌یه‌جک، هم ده ارمنستانین و بوتون رگیونون سوسیال-اقتصادی انکشافی‌نین مهم عاملی اولاجاق.

م.زاخاراوا همچینین خاطیرلادیب کی، اوچ اؤلکه‌نین لیدرلری آراسیندا الده ائدیلمیش راضیلاشمالارین تام شکیلده حیاتا کئچیریلمه‌سینه غرب اؤلکه‌لرینین دستروکتیو تأثیری مانع اولور:

"بیلدیینیز کیمی، حقیقتا ده چوخ مهم اولان بو مسله‌نین حلی اوچون ۲۰۲۰-۲۰۲۲-جی ایللر عرضین‌ده الده ائدیلمیش ان یوکسک سوییه‌لی اوچطرفلی راضیلاشمالارا اویغون اولاراق، جنوبی قافقازدا نقلیات و اقتصادی علاقه‌لرین بلوکدان چیخاریلماسی اوزره اختصاصلاشمیش اوچطرفلی ایشچی گروپو یارادیلیب.

بو ایشچی گروپ چرچیوه‌سینده قارشیلیقلیلیق و سووئرنلیک پرینسیپلری اساسیندا ارمنستان و آذربایجان آراسیندا نقلیات مارشروتلارینین هم حقوقی اساسلارینین، هم ده تکنیکی پارامترلرینین راضیلاشدیریلماسی استقامتینده بؤیوک ایشلر گؤرولوب. بلی، بیز غرب اؤلکه‌لرینین دستروکتیو تأثیرینی گؤروروک. بوندان باشقا، ارمنستان حاکمیتینین موقعی بعضا، حتی تئز-تئز بیزده سواللار دوغورور".