آذربایجان پرزیدنتی ایلهام علیئو سنتیابرین ۲۷-ده – آنیم گونون‌ده گنجه مئموریال کومپلکسی‌نین آچیلیشیندا اشتراک ائدیب.

Axar.az خبر وئریر کی، اولجه دولت باشچیسی مئموریال لوحه‌نین قارشی‌سینا اکلیل قویوب.

آذربایجان پرزیدنتی آنیم گونو ایله علاقه‌دار گنجه مئموریال کومپلکسین‌ده ساعت ۱۲:۰۰-دا وطن محاربه‌سی شهیدلرینین خاطره‌سینی بیر دقیقه‌لیک سکوتلا یاد ائدیب.

سونرا دولت شهرسالما و آرکیتکتورا کومیته‌سینین صدری آنار قولیئو دولت باشچیسینا کومپلکس باره‌ده اطرافلی معلومات وئریب.

پرزیدنت ایلهام علیئوین ۲۰۲۲-جی ایلین یانواریندا تملینی قویدوغو بو کومپلکس ایکینجی قاراباغ محاربه‌سی زامانی ارمنستانین راکت هجوملارینین قربانی اولموش گوناهسیز انسانلارین عزیز خاطره‌سینی ابدی‌لشدیرمک و محاربه‌نین آجی رئاللیقلارینی گله‌جک نسیللره چاتدیرماق مقصدی داشیییر.

بو ایلین مارتین‌دا بیرینجی ویتسه-پرزیدنت، حیدر علیئو فوندونون پرزیدنتی مهربان علیئوا قیزلاری لیلا و آرزو علیئوا ایله بیرلیک‌ده لاییحه ایله تانیش اولوب، آوگوست آییندا ایسه پرزیدنت ایلهام علیئو و بیرینجی خانم کومپلکس‌ده گؤرولن ایشلرین گئدیشینه باخیش کئچیریبلر.

خاطیرلاداق کی، جبهه خطیندن ۸۰ کیلومتر آرالی‌دا یئرلشن گنجه شهری وطن محاربه‌سی دورونده اوکتیابرین ۴-او، ۵-ی، ۸-ی، ۱۱-ی و ۱۷-ده ارمنستان سلاحلی قوه‌لرینین "توچکا-او"، "سمرچ"، "اسکود" و دیگر راکت سیستملرین‌دن آتشه معروض قالیب. بو آمان‌سیز هجوملار نتیجه‌سین‌ده ۶-سی اوشاق اولماقلا، ۲۶ ملکی شخص حیاتینی ایتیریب، ۱۴۲ دینج ساکن ایسه یارالانیب.

بیلدیریلدی کی، مئموریال محض همین ضربه‌لردن بیرینین ائندیریلدیی اراضی‌ده – یاشاییش بینالارینین یئرین‌ده انشا اولونوب و ۴ هکتار ساحه‌نی احاطه ائدیر. اورژینال معمارلیق حلی ایله سئچیلن عابده اسپیرال‌واری فورماسی ایله راکتین یئرده بوراخدیغی ایز – کراتری سیموولیزه ائدیر. کومپلکسین آچیق میدانین‌دا ایسه داغیدیلمیش بینالارین قالیقلاری خصوصی انستالیاسییا شکلینده قورونوب ساخلانیلیب.

آیپارا فورمالی ایکی‌مرتبه‌لی بینانین عمومی ساحه‌سی ۲۴۰۰ کوادرات‌متردیر. بیرینجی مرتبه‌ده موزی اکسپوزیسییاسی، ایکینجی مرتبه‌ده ایسه سمینار، تعلیم و مختلف تدبیرلرین کئچیریلمه‌سی اوچون نظرده توتولموش چوخ‌فونکسییالی زال یئرله‌شیر.

موزی‌ده "XX عصرین اولی"، "دپورتاسییا و مجبوری کؤچکونلوک"، "سویقیریمی و کوتلوی قیرغینلار"، "آتشکس و وطن محاربه‌سی دورو"، "ایتکین دوشه‌نلر، کوتلوی مزارلیقلار، مینا ترورو" و "ایشیقلی گله‌جه‌یه دوغرو" موضوعلارینا حصر اولونموش زاللار فعالیت گؤستریر.

اکسپوزیسییا زیارتچیلره اولجه ۲۰-جی عصرین اوللرین‌ده باش وئره‌ن فاجعه‌لری، او جمله‌دن ۱۹۱۸-جی ایلین مارت سویقیریمینی تاریخی فاکتلارلا تقدیم ائدیر. بورادا، همچینین ۱۹۴۸–۱۹۵۳-جو ایللرده سویداشلاریمیزین غربی آذربایجان‌دان کوتلوی دپورتاسییاسی عکس ائتدیریلیب. اینتراکتیو بؤلمه‌ده آرشیو ماتریاللاری، تاریخی سندلر و داغیدیلمیش مدنی ارث نمونه‌لری ایله تانیش اولماق ممکن‌دور.

نوبتی بؤلمه‌لرده ۱۹۸۷–۱۹۹۴-جو ایللرده آذربایجان خالقینین اوزله‌شدیی ائتنیک تمیزله‌مه جنایتلری، دینج اهالییه قارشی تؤره‌دیلمیش سویقیریملار و سیستملی قیرغینلار حاقیندا معلوماتلار یئر آلیب. موزیین آیریجا حیصه‌سی ایسه معاصر دورده – آتشکس ایللرین‌ده، وطن محاربه‌سی گونلرین‌ده و اوندان سونراکی مرحله‌ده ملکی اهالینین مقصدلی شکیل‌ده هدفه آلینماسی فاکتلارینا حصر اولونوب.

اکسپوزی‌سییانین سون حیصه‌سی اوزون ایللر داوام ائد‌ن حاقسیزلیقلارا باخمایاراق، مبارزلیینی قورویان آذربایجان خالقینین عزمکارلیغینین و غلبه عزمینین طنطنه‌سینه حصر اولونوب.

سونرا پرزیدنت ایلهام علیئوین گنجه مئموریال کومپلک‌سین‌ده شهر ساکینلری ایله صمیمی گؤروشو اولوب.