تبریزده کوروغلو تماشاسینین صحنه‌نلشدیریلمه‌سی شهر شوراسینین عضوو حکیمه غفوری و بعضی رادیکال جریانلارا منسوب شخصلرین اعتراضی ایله قارشیلاشیب.

Kult.az خبر وئریر کی، بو حاق‌دا یئرلی منبع‌لر معلومات یاییب.

معلوماتا گؤره، غفوری و اونو دستکله‌یه‌نلر تماشادا قادین صنعتچیلرین رقص ائتمه‌سی و اوخومالارینی قیناییب، بونو اسلام قایدالارینا ضد اولدوغونو ادعا ائدیبلر.

شهر شوراسینین عضوو حکیمه غفوری اسلامی ارشاد اداره‌سین‌دن «کوروغلو «تماشاسینین رژیسورو یعقوب جمالی صدیقین فعالیت لیسنزیاسینین لغو ائدیلمه‌سینی طلب ائدیب.

تبریز شهر شوراسینین باش‌چی‌سی غلامرضا احمدی ایسه تماشانین صحنه‌لشدیریلمه‌سی اوچون باشچی‌لیق ائتدیی قوروم و تبریز بلدیه‌سینین مسئولیت داشیمادیغینی بیلدیریب.

او، اعتراضلاری "وطنداشلارین حساس و مسئله‌لره مسئولیت‌لی یاناشماسی" آدلاندیریب، علاقه‌دار قوروملارین تماشادا باش وئرن "پوزونتولارا" گؤره قانونی آددیم آتاجاقلارینی سؤیله‌ییب.

تبریزلی رژیسور یعقوب جمالی صدیق ایسه اعتراض و ایرادلاری اساس‌سیز حساب ائدیب، ناراضیلارین آذربایجان مدنیتیندن خبرسیز اولدوقلارینی دئییب.

او، شهر شوراسینی مسئولیت داشیدیغی ایشلرله مشغول اولماغا چاغیریب، تماشانی مذاکره ائتمک عوضینه قورومدا موجود اولان کوروپسیا و قانون‌سوز حاللاری آرادان قالدیرماغی توصیه ائدیب.

قید ائدک کی، تبریزده صحنه‌یه چیخاریلان «کوروغلو» تماشاسینین نمایشی تبریزللرین رغبتی ایله قارشیلاشدیغی اوچون بیر نئچه گون داها اوزالدیلیب.

بیلطلرین اونلایین ساتیشینا باشلانیلدیقدان ۱ گون سونرا ۵۰۰۰ بیلطین ساتیلدیغی بیلدیریلیب.