یارادیجی انسان اؤزونه ماجرا یاراتماغی دا باجارمالی‌دیر.

Axar.az خبر وئریر کی، بونو باکی بین‌الخالق فیلم فستیوالی چرچیوه‌سینده باکییا گلن ایران کینوسونون مشهور آکتریساسی و رژیسورو نیکی کریمی دئییب.

کینو صنعتینین معاصر پروبلملریندن دانیشان صنعتچی گنج رژیسورلارلا تجربه‌سینی بؤلوشوب:

«کینو چوخقاتلی بیر ساحه‌دیر. مثلاً، هوللیووددا ایلده نه قدر فیلم چکیلیر، آنجاق باخاق گؤرک، اونلارین نئچه‌سی اوغورلو اولا بیلیر. کینو چکمیین الچاتان اولدوغو بیر دؤورده یاشاییریق. بو گون هر کس الینده‌کی موبیل تلفنا نلرسه چکیب قیسامتراژلی فیلم کیمی تقدیم ائده بیلر. بیر طرفدن هر شی بو قدر ساده‌لشسه ده، دیگر طرفدن مرکبلیینی قورویور. بو ضدیته مثال اولاراق سوسیال مدیانی قید ائده بیلرم. دوشونورم کی، سوسیال شبکه‌لر اورتایا چیخان‌دان بری فیلم چکمک چوخ چتینلشیب. اوللر انسان راحتلیقلا اوتوروب ایستدیینی یازیب چکیردی. ایندیکی دؤورده گنجلرین ان بؤیوک چتینلیی گؤردوکلری ایشه فوکوسلانا بیلمه‌مه‌لریدیر. یارادیجی انسانین دویغو و دوشونجه‌لری چوخ اوریژینال اولمالی‌دیر، اما ایندیکی دؤنه‌م‌ده دویغو اوریژیناللیغینی قورویوب ساخلاماق چوخ چتینلشیب. فکریمجه، گنج رژیسورلار بو مسئله‌یه حساسلیقلا یاناشمالیدیرلار».

قید ائدک کی، نیکی کریمی فستیوالین بین‌الخالق منصیفلر هیئتینده یئر آلیب.