ایران‌دا و خارج‌ده یاشایان بیر گروپ گونئی آذربایجانلی فعال، ضیالی و یازیچی تهرانین ائوین حبسخاناسین‌دا ساخلانیلان ملی فعاللارین، خصوصیله آجلیق آکسییاسی کئچیرن آذربایجانلی محبوسلارین دورومون‌دان ناراحات‌لیقلارینی ایفاده ائد‌ن بیانات یاییبلار.

Axar.az خبر وئریر کی، بیاناتی چوخ سایدا شخص ایمضالاییب.

"خصوصاً هفته‌لردیر آجلیق آکسییاسی کئچیرن ودود اسدی، طاهیر نقوی، آیاز سیف‌خواه و محمود اوجاقلونون وضعیتین‌دن ناراحاتیق. اونلارین باشینا گلن ایسته‌نیله‌ن خوشاگلمز حادثه‌یه گؤره، آدی چکیله‌ن شخصلرین باره‌سین‌ده عدالتسیز حکم چیخاران ایران محکمه سیستمی، عمومی‌لیکده ایران حکومتی مسئولیت داشییر"،- بیانات مؤلفلری بیلدیریبلر.

بیاناتی امضالایانلار آجلیق آکسییاسی کئچیرن فعاللارین حاقلی مبارزه‌لرینی دستکلدیکلرینی، اونلارا وئریله‌ن جزانین اساس‌سیز و عدالتسیز اولدوغونو قید ائدیب، آیری-سئچکیلیین آرادان قالدیریلماسی اوغرون‌دا فعالیتلرینی داوام ائتدیرمک اوچون حیات‌دا قالمالارینین واجبلیینی وورغولاییبلار:

"مقصده نایل اولماق و عدالتسیزلیی آرادان قالدیرماق اوچون سیزلرین یاشامانیز واجبدیر. بونا گؤره ده، سیزین اراده و عزمینیزی تقدیر ائتدیر، ۲۱ آذر حرکاتینین، جنوبی آذربایجان ملی حکومتینین قورولماسینین ایلدؤنومو گونونده سیزدن آجلیق آکسییانیزی دایاندیرمانیزی خواهش ائدیریک."

قید ائدک کی، طاهر نقوی و ودود اسدی ۵۰ گونه یاخین‌دیر کی، باره‌لرین‌ده چیخاریلان عدالتسیز حکمه، اؤزلرینه قارشی ائدیله‌ن تضییقلره و طبی خدمت‌دن محروم ائدیلمه‌لرینه اعتراض اولاراق آجلیق آکسییاسینا باشلاییبلار.

باشقا بیر نئچه فعال ایسه سونرادان اونلارا دستک مقصدیله آجلیق آکسییاسینا قوشولوبلار.