مرکزی قرارگاهی آذربایجان رئسپوبلیکاسین‌دا یئرلشن آذربایجان دموکرات فرقه‌سی "۲۱ آذر" حرکاتی و جنوبی آذربایجان ملی حکومتینین قورولماسینین ۸۰-جی ایلدؤنومو ایله باغلی بیانات یاییب.

Axar.az خبر وئریر کی، بو باره‌ده آذربایجان دموکرات فرقه‌سی معلومات یاییب.

آذربایجان ملی و مختار حکومتینین قورولماسینین ۸۰-جی ایلدؤنومو ائله بیر واختا تصادف ائدیر کی، اؤلکه‌میز ایران‌دا یاشایان بوتون خالقلارین، خصوصاً ده شهر و کند فهله‌لرینین و زحمتکشلرینین، او جمله‌دن بیز، آذربایجان‌لیلار کیمی فارسلارین، کوردلرین، بلوچلارین و س. حیاتینین داغیدیجی و آرتان چتین‌لیکلره قرق اولدوغو بیر واختا تصادف ائدیر"،- بیاناتدا یازیلیب.

بیانات مؤلفلری پهلوی و حاضرکی اسلام جمهوریتی دؤورونده ایران‌دا یاشایان خالقلارا قارشی ظلم و عدالتسیزلییه دقت چکیب، چیخیش یولونو اؤلکه‌ده یاشایان خالقلارین بیرگه مبارزه‌سینده گؤردوکلرینی قید ائدیبلر:

بئله بیر کریتیک شرایط‌ده آذربایجان دئموکراتیک فیرقه‌سی قطعی شکیل‌ده اینانیر کی، یالنیز اورتاق وطنیمیز ایران‌دا یاشایان بوتون خالقلارین ویلایت فقیه دیکتاتورا رژیمینه قارشی بیرگه و بیرلشمیش مباریزه‌سی، فهله‌لرین، زحمتکئشلرین، قادینلارین، طلبه‌لرین و بوتون مترقی و آزادلیق سئور پارتیالارین و قوه‌لرین مبارزه‌سی ایله بیرلیکده، ائلجه ده خارجی مداخله‌چیلره قارشی قطیعت‌لی مخالفت و اؤلکه‌میزین مستقیللیینین مدافعه‌سی یولو ایله آزادلیق و سوسیال عدالتین برقرار اولماسینا و ملی حقوقلارین گئرچکلشمه‌سینه نایل اولا بیلریک."