۲۰۲۵-جی ایل نوبل صلح مکافاتی غالبی ماریا کورینا ماچادو دکابرین ۱۲-ده یئنی‌دن حبس اولونان ۲۰۲۳-جو ایل نوبل صلح مکافاتی عالبی، گونئی آذربایجانلی حقوق مدافعه‌چی‌سی نرگس محمدی‌یه دستک وئریب.

Axar.az خبر وئریر کی، او، بو حاق‌دا اؤزونون X صحیفه‌سینده یازیب.

"اونون نوبل صلح مرکزینین سرگی‌سینده‌کی شکلینی گؤره‌نده ایران و ونزوئلا کیمی رژیملرین قدارلیغی حاقیندا دوشونمه‌مک ممکن دئییلدی؛ حاکمیتی قوروماق و حقیقتی اورتایا قویان سسلری سوسدورماق اوچون هر شئی ائد‌ن رژیملر»،- ماچادو قید ائدیب.

او، محمدینین حبسینی تهران رژیمینین گیروو گؤتورمه‌سی و آدام اوغورلاماسی کیمی دیرلندیریب، حقوق مدافعه‌چی‌سینین عائله‌سی ایله علاقه ساخلاماسینا امکان وئریلمه‌مه‌سینی قدارلیق آدلاندیریب.

ماچادو علاوه ائدیب کی، نرگس محمدی حاضردا مشهدده‌کی تجریدخانادا تک‌آداملیق کامرادا ساخلانیلیر و عائله‌سی و وکیللری ایله تلفن دانیشیغینا بئله اجازه وئریلمیر.

قید ائدک کی، دکابرین ۱۲-ده نرگس محمدی اوفیسین‌ده اؤلو تاپیلان وکیل خسرو علیکردینین خاطره‌سینه مشهدده تشکیل ائدیلن مراسم‌ده بیر نئچه دیگر فعاللا بیرلیکده حبس ائدیلیب.