شرقی آذربایجانین ماراغا شهرینده تانینمیش شاعر و یازیچی حیدر عباسینین (باریشماز) آنیم مراسمی کئچیریلیب.

Axar.az خبر وئریر کی، بو باره‌ده یئرلی مئدیا معلومات یاییب.

مراسم‌ده شرقی آذربایجان ایالتینین والیسی بهرام سرمست، ایالت مسئوللاری، ادبیات و اینجه‌صنعت خادملری اشتراک ائدیب.

شاعرین مزارینی زیارت ائد‌ن والی ماراغانی آذربایجان مدنیتینین بئشیکلریندن بیری اولدوغونو دئییب، باریشمازین اثرلرینی ایسه ادبی و مدنی ثروت آدلاندیریب.

قید ائدک کی، حیدر عباسی (باریشماز) آپرلین ۲۴-او سحر ساعتلاریندا ۸۳ یاشین‌دا دنیاسینی دییشیب.

آنا دیلی ایله یاناشی، عرب، فارس، اینگیلیس، فرانسیز و روس دیللرینی مکمل بیله‌ن ماراغالی شاعرین یارادیجیلیغینین بؤیوک حصه‌سی اؤز آنا دیلین‌ده اولوب.

"چاغیریلمامیش قوناقلار"، "نغمه تاغی"، "دیوارلار"، "سس"، "اونودولماز خاطره‌لر"، "گولنده هر زمان"، "قوشمالار و غزللر" و ب. شیر و نثر کتابلاری ان چوخ اوخونان اثرلر سیاهی‌سینا دوشوب.