اورمییا گؤلونده موجود اولان سو مقداری ۴ میلیارد ۱۰۰ میلیون مترمکعبه چاتیب و بو اؤتن ایلین عینی دؤورو ایله موقایسه‌ده بیر نئچه دفعه چوخ‌دور.

Axar.az خبر وئریر کی، بو باره‌ده یئرلی مئدیا معلومات یاییب.

بیلدیریلیب کی، حاضردا گؤلون وضعیتی سون ۶ ایلین کریتیک دورومو ایله مقایسه‌ده ان یاخشی سوییه‌ده‌دیر.

سون هفته‌لر سو حوضه‌سی اراضی‌سینده کیفایت قدر یاغینتی، قارلارین اریمه‌سی، گؤله آخان چایلاردا سویون چوخالماسی و بندلردن سویون بوراخیلماسی گؤلون وضعیتینین یاخشیلاشماسیندا اساس عامللر اولوب.

ایرانین شریف اونیورسیته‌سینین رکتورو، اکولوگ مسعود تجریشی ایسه حاضرکی وضعیتین گؤلون برپاسی لاییحه‌سی ایله علاقه‌لی اولمادیغینی، بونون طبیعی عامللر، او جمله‌دن اینتئنسیو یاغینتیلارلا باغلی اولدوغونو دئییب.

قید ائدک کی، ساحه‌سینه گؤره اورمییا گؤلونون ماکسیموم سو حجمی ۳۰ میلیارد مترمکعب، اورتا سو حجمی ایسه ۱۵ میلیارد مترمکعب اولمالی‌دیر.