غربی آذربایجان ایالتی‌نین اورمییا گؤلو سو حوضه‌سینده یئنی سو آنبارینین انشا اولونماسی یئنی‌دن گونده‌مه گلیب.

Axar.az خبر وئریر کی، بو حاق‌دا یئرلی مئدیا معلومات یاییب.

معلوماتا گؤره، اورمییا گؤلونون اساس سو تأمینات‌چیلاریندان اولان باراندوز چایی اوزرینده یئنی بندین انشاسی باره‌ده مسئله‌نی اورمییا شهرینین ایران پارلامنتینده‌کی نماینده‌سی سید سلمان ذاکر قالدیریب.

او، بونون بؤلگه‌ده اکینچی‌لیک اوچون واجب اولدوغونو و اینشا ایشلرینین تعجیلی باشلادیلماسینی طلب ائدیب.

اطراف محیط فعاللاری و متخصصلر ایسه یئنی بندین انشا ائدیلجه‌یی تقدیرده اورمییا گؤلونون داهادا آجیناجاقلی وضعیته دوشجه‌یینی، برپاسینین ممکن اولمایاجاغینی بیلدیریبلر.

متخصصلر حساب ائدیرلر کی، باراندوزچای ایستی موسوم‌ده گؤله تؤکولن حیاتی اهمیتلی و آخارلی چایلاردان بیری‌دیر و اوزرینده بندین تیکیلمه‌سی گؤلون برپا پروسسینه اؤلومجول ضربه ووراجاق.

شرقی آذربایجان ایالتینین کند تصروفاتی و طبیعی ثروتلرین تدقیقات و تعلیم مرکزینین رهبری، تانینمیش اکولوگ احمد بایبوردی ده مسئله ایله پایلاشیم ائدیب:

"اورمییا گؤلو اطرافیندا یئنی بندلرین انشاسینی مدافعه ائد‌نلر گؤلون محو اولماسینا گؤره مسئولیت داشیییرلار. آجی حقیقت بوندان ایبارتیر کی، گؤله آخان چایلار اوزرینده بندلرین قورولماسی اکولوژی پروبلئمین درینلشمه‌سینه بیرباشا تأثیر گؤستریب".