آذربایجان پرزیدنتی ایلهام علیئو ایولون ۱۱-ده لاچین‌دا "هکری‌چای" سو آنبارینین تملینی قویوب.

Axar.az خبر وئریر کی، آذربایجان دولت سو احتیاطلاری آگئنتلیینین صدری زائور میکاییل‌اف پرزیدنت ایلهام علیئوه لاییحه باره‌ده معلومات وئریب.

بیلدیریلیب کی، لاییحه‌یه اساساً آذربایجانین حدودلاریندا فورمالاشان هکری‌چایی اوزرینده عمومی توتومو ۱۰۰ میلیون مترمکعب، فایدالی حجمی ایسه ۹۰ میلیون ترمکعب اولان سو آنبارینین یارادیلاجاق، همچینین سوبوراخما قابیلیتی ثانیه‌ده ۸ ترمکعب، اوزونلوغو ایسه ۱۷۲ کیلومتره یاخین ماگیسترال بورو کمری اینشا ائدیله‌جک.

بو اینفراستروکتورون لاچین، قوبادلی، زنگیلان، جبراییل، فضولی، خوجاوند و آغدام رایونلاری اوزره تقریباً ۷۰۰ مین نفری ثانیه‌ده ۲،۵ کترمکعب حجمینده کیفیت‌لی ایچمه‌لی سو ایله تامین ائتمک پوتنسیالی اولاجاق.

"هکری‌چای" سو آنباریندان قیدالانان ماگیسترال بورو کمرینین اوزرینده عمومی گوجو ۱۰.۸۱ مگاوات اولان ۳ سو الکتریک استانسییاسینین تیکینتی‌سی ده نظرده توتولور.

قید ائدک کی، "هکری‌چای" سو آنباری اهالینین کیفیت‌لی و دایانیق‌لی ایچمه‌لی سو تأمیناتی ایله یاناشی، اشغال‌دان آزاد ائدیلمیش اراضیلریمیزین سو احتیاطلارینین ثمره‌لی اداره اولونماسیندا، بؤلگه‌نین، هابئله اؤلکه‌میزین دیگر ایری شهرلرینین ایچمه‌لی سو تجهیزاتینین یاخشیلاشدیریلماسیندا و رئگیونلارین سوسیال-اقتصادی انکیشافینین دستکله‌نمه‌سینده مهم رول اوینایاجاق.